آثار إدمان المخدرات على الصحة الفموية

🚩مسلسلات 2021 الرمضانية،ضاجّة بمشاهدها وأفكارها
لبتتناول فيها واقع مجتمعنا المتنوّع…

ودورنا نحنا الميددوز نتناول هي الأفكار والظواهر المجتمعيّة ونعطي رأينا الطبّي فيها…

أغلبنا تابع مسلسل ٢٠٢٠ و شاف الريس صافي لِّ جسد صورة تاجر مخدرات…

وأبو كرمو بمسلسل على صفيح ساخن لِّ مزج هالمواد المخدرة مع عجينة الحلو العربي… 🙂

طبعا آثار المخدرات على الجسم عديدة ولا تخفى مضارها ومضار إدمانها على أحد

بس اليوم ومن منصة صحة الفم السورية حنحكي عن آثار إدمان المخدرات على الصحة الفموية

⛔أولا منلاحظ أنو غالبية مدمني المخدرات بيعانو من مشاكل بالأسنان واللثة فشو السبب يا ترى؟🤔

⚡ بدايةً كل أنواع المواد المخدرة بتسبب جفاف الفم يعني كمية أقل من اللعاب وبالتالي نخور أكتر (نحنا بحاجة اللعاب لتنظيف الأسنان بشكل غريزي بعد تناول الطعام)

⚡ ثانياً هي الأدوية المنشطة بتخلي المدمن يضغط ويكزّ على أسنانو بشكل مستمر وهالشي بسبب سحل بالأسنان وضعف بنيتها وممكن ينتهي بكسرها

⚡ ثالثاً بعض أنواع المواد المخدرة متل الميثامفيتامين هي مواد حمضية بتسبب القيء وارتجاع الطعام (يعني مواد حامضية بالفم وهالشي بسبب تآكل الأسنان)

كمان بيسبب رغبة مستمرة عند المدمن لتناول الحلويات والمشروبات الغازية المضرة بصحة الأسنان

⚡ رابعاً بعض المواد متل الهيروين بتكون مسكنة للألم وهالشي بيأدي لتفاقم أمراض الأسنان واللثة دون أن يشعر المدمن بذلك 😔

وطبعاً بتختلف الأذية بطريقة تناول المواد المخدرة:

☝️ فتناولها عن طريق الشم يتلف الأنسجة ما بين الأنف والفم وينتهي الامر بتشكل ثقب وصعوبات في الكلام وتناول الطعام…

✌ فركها على اللثة بيسبب تقرحات بالفم…

ودمتم بخير وصحة… ♥️

لا للمخدرات
لا للفقر
لا للمسقّعة

● إعداد وتحرير :د. ريما محسن خطيب
● المصدر العلمي :https://wb.md/3euqo19

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم