🚩 طـب الأسنـان »» كُرسي تُمنع الإناث من الجلوس عليها ‼️
– شو عم تدرسي ياعمو ؟!
+ طب أسنان عمو !
– أسنان !! لك هالفرع ” مو للبنات ” روحي عمو لاقي فرع يحفظلك أنوثتك مو يخلي إيديكي ” بتم المرضى ! ” ويحني ضهرك و تختيري عبكير !
————
– مبروك خلصتي تحضيرية ؛ شو ناوية تدخلي ؟!
+ حاطة رغبتي الأولى طب الأسنان .
– يا مشحرة !! و بيتك و ولادك بالأيام ؟! تطبخيلن بالعيادة ؟!
————
وسيناريوهات كتيرة بتسمعها كل أنثى دخلت هالإختصاص لأنو للأسف لحد اليوم في كتير ناس بتنتقص من قيمة المرأة وإمكانياتها وطاقتها !
وبيعتبروها ” ضلع قاصر ” وكائن ضعيف مُتناسين إنها قادرة تتحمّل أصعب الآلام من آلام الولادة لآلام الحيض والدورة الشهرية !
فما بالكن إذا كانت هي المرأة هيي ” طبيبة أسنان ” المهنة يلي تعتبر من أصعب المهن عالمياً .. قدي بتكون هالمرأة عظيمة ؟!
لذا وبمناسبة ” الـيوم الـعالمي للـمرأة ”
حابّين نخبركن عن أشهر 3 طبيبات أسنان بالعالم :
🔵 خلّونا نبدأ مع إيميلين روبرتس جونس
أول طبيبـة أسنـان مارست المهنة على الإطلاق بعد أن جابهت زوجها طبيب الأسنان دانيال جونز لحقها في دراسة طب الأسنان لأنه يتعقد أن أيدي النساء غير مناسبة لعمل طب الأسنان لأنها ضعيفة وخرقاء !!
درست وتدرّبت سرّاً عنه وأثبتت نفسها حتى أصبحت شريكته بالعمل واكتسبت سمعة متألقة كطبيبة أسنان واستمرت بالعمل حتى بعد وفاته !
🔵 لوسي هوبس تايلور وهي أول امرأة تحصل على درجة دكتوراه في طبّ الأسنان بعد رفضها من كليّة أوهايو لأنها امرأة ..
لكنها تدرّبت عند أستاذ في هذه الكليّة “جوناثان تافت” حتى بدأت بممارسة المهنة لوقت أن غيّرت كلية أوهايو سياستها بشأن الجنس وسمحت لوسي بالدخول والحصول على شهادة الدكتوراه في طب الأسنان .
🔵 إيدا جراي كانت أول طبيبة أسنان أمريكية من أصل أفريقي اشتهرت بشكل كبير بأنها كانت تعالج جميع المرضى دون تمييز عرقي !
وبهالمناسبـة العظيمـة حابين نختم تهنئتنا للمرأة بالقصيدة العريقة التي خلدتها الشاشة الصغيرة :
هاتي أيدك ليلة عيدك ..
شدّي حيلك خلي شمسك تمحي ليلك..
من منديلك نعمل راية بيوم المرأة ونغنيلك…
نكتب ورقة نخبر فيها الصُّبح الجاية أنو العِتمة وريح الفرقة مالن مطرح بمواويلك ..
هاتي ايدك ، هاتي ايدك !
من منبر منصـة الصحـة الفمويـة السوريـة منوجه كل تحيات الحُب لكل امرأة أينما كانت .. وبالأخص طبيباتنا الممتلئات بالقوة والعنفوان ؛ المُحاربات رغم كل قيود المجتمع ! ❤️
● إعـداد وتحـرير : د. زينة سليمان يوسف ♥️
ما تنسوا تنضموا 👇👇
منصة صحة الفم السورية – MedDose Dentistry
مواضيع صحة الاسنان والفم