ألماسة الأسنان
في ألماسة على الأنف و في ألماسة على السن
تعالوا نتعرف كيف بتتركب
هالشي بتم عن طريق الإلصاق من قبل الطبيب بالخطوات التالية …
بدايةً ؛ ننظف السن بمعجون تلميع خالي من الفلورايد
تجفيف و عزل السن
تخريش سطح السن بحمض الفوسفور 37٪ لمدة 20 30 ثانية
شطف السن جيداً بالماء لإزالة آثار الحمض المخرش وثم تجفيف السطح ل10ثواني
طبّق عامل الربط المصلب ضوئياً واتركه 20ثانية على الأكثر ثم انفخ القليل من الهواء لتوزيعه بشكل أفضل
بعدين عالتصليب يا كبير ل20 ثانية
ضع كمية قليلة من الكومبوزت السيال عسطح السن
استعمل حامل الجواهر الخاص لالتقاط الألماسة وطبقها بضغط خفيف وسط كمية الكومبوزت يلي وضعناها
ملاحظه كتير مهمه ( المفروض الكومبوزت بعد هالعملية يحيط بالجوهرة بشكل كامل لنتأكد من الترابط الميكانيكي المجهري ونضمن إنو الجوهرة عإتصال مع الميناء )
وهلق بتعطي المريض المراية ليشوف مكان الألماسة وتضبطه في حال ما عجبه
بعد متأكدنا إنو المكان عاجب المريض منبلش نصلّب
أول شي من الأعلى ل60 ثانية ، ثم من الجوانب ثواني قليلة ، بعدين من قفا السن أو جزئه الخلفي كمان ل60 ثانية
تأكد من الصلابة تكون متساوية بكل اتجاهات
لا تلمس الجوهرة بإصبعك من لـمّا تطالعها للـمّا تألصقها و تجنب ملامسة المادة الرابطة
نعالج الميناء بالفلور الموضعي حول الألماسة لنعيد تمعدن المنطقة يلي انخسفت أملاحها واتخرشت
إجراءات الإزالة …
تزال الجوهرة بنفس طريقة إزالة حاصرات التقويم بدون أذية الميناء
بعد الإزالة لازم ننظف و نلمع السن لنضمن عدم بقاء أي جزء من المادة الرابطة عالسن
استعمل السكيلر أو أدوات و رؤوس التلميع المطاطية لإزالة الطبقة العالقة من اللاصق
بعد ذلك تطبيق فلور موضعي لمعالجة الميناء وإعادة التمعدن و الاستقرار إليه
وهيك منكون عرفنا كلشي عن ألماسة الأسنان خبرونا حابين تجربوها أو ما حبيتوها ؟!
منّـي ومن الميـددوز ؛ تبقوا بألف خير وتألق
– إعـداد : د. ماسة أكرم نعيم
– المصـدر الـعلمي :
https://bit.ly/3EVM8RG
منظمـة مـيددوز ~ مصـدرك الموثـوق للمعلومـة الطبيـة
منصة صحة الفم السورية
مواضيع صحة الاسنان والفم