🚩 “المتّهم الأوّل” … الهرمونات ..!!
عزيزتي الأُنثى…
إذا كنتي من الأشخاص اللي بيزداد عندن ألم الأسنان بفترة الحيض تابعي معنا المقال التالي:
⛔ هل تعلمين أنه قد تؤثر الدورة الشهرية على صحة الأسنان واللثة وتجويف الفم والسبب طبعاً الهرمونات !!
<<والله الهرمونات قصتا قصة👀>>
هيي السبب بكل شي…!!
⛔ ومو بس هيك؛ أظهرت الدراسات إنو بفترة الحيض بتزداد حساسية اللب للمنبهات الباردة .
⛔ وإذا كنتي من الأشخاص اللي حاطين تقويم أسنان كمان مارح تخلصي !
لأنو بفترة الحيض رح يزداد شعورك بالألم خاصة عند شد الأسلاك التقويمية !!
⛔ لسا ما خلصنا يابنات ضل شغلة..
الأخيرة اليوم بوعدكن🤣
مع الأسف الدورة بتزيد من تواتر حدوث التهاب العظم السنخي بعد قلع الرحى الثالثة (ضراس العقل).
وبالأخير بنصحك تخبري طبيبك اذا اضطررتي تزوريه و انتي بفترة الحيض كرمال يكون عندو علم؛ ويحاول يخفف عنك سواء كان بالإجراءات العلاجية أو بالأدوية…
وما تنحرجوا أبداً ولا تستغربو أبداً اذا سألكن طبيب الأسنان فيما اذا كنتن بفترة الحيض أو لا …
ودمتنَّ سالمات دون أيِّ آلام 💕…
● إعداد : د. مايا كاسر نادر.
● التدقيق العلمي والتحرير : د. أريج نجهاني
● المصدر العلمي :
https://bit.ly/3dP38eJ
https://bit.ly/3dRwZT
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.
مواضيع صحة الاسنان والفم