– شو العطل؟
– عم تفصل و توصل متل شجرة عيد الميلاد و خايفين على أجهزة الكمبيوتر تتعطل و يتعطل كل الشغل.
– يا جماعة الدنيا غيوم و ضباب و مافي شمس… يعني مافي طاقة شمسية ..اسمها طاقة شمسية .
– أستاذ المسا بتشتغل متل الليرة ..بس الصبح بتصير تعمل مشاكل …ضروري تجي تشوف شو المشكلة.
.
تذهب للموقع لتجد:
الطاقة الشمسية ركبوها لتعمل في حال عدم وجود المازوت للمولدات ..لا يوجد مازوت و لكن أيضاً لا يوجد شمس.
المنظومة ركبوها لفعالية واحدة مخصصة و لكن هناك عشر كبلات مسحوبة منها لا تعرف لأين.
الاستطاعة على الانفرترات 500 واط بدلاً من 10000 واط… إذاً فالطاقة الشمسية تعمل على شحن البطاريات و البطاريات بربع عمرها.
تدخل لعند مدير الصيانة فتجده يشغل دفاية كهربائية 3000 واط على نفس الكبل الذي سحبه من الطاقة الشمسية بحجة الإنارة فقط.
– ما هذا يا أستاذ ؟
– الدنيا برد و لا يوجد ما نستطيع التدفئة عليه.
تدخل لعند المدير الإداري و هو أيضاً يشغل دفاية كهربائية على كبل الطاقة الشمسية المأخوذ بحجة كمبيوتر فقط.
تدخل لعند المكاتب الذين سحبو كبلات بحجة إنارة و كمبيوتر فتجد اغلبهم إما يشغل كمبيوترين و دفاية أو سخانة قهوة أو…
تدخل لغرفة الحارس فتجد أنه وصل كبل طاقة شمسية و يشغل دفاية كهربائية 2000 واط مع سخانة شاي 1000 واط بشكل دائم و وهو واقف على الباب بالخارج.
– ما هذا يا أبو فلان ..أليس الكبل للإنارة فقط ؟
– أستاذ في الليل يكون برد شديد و لا يوجد مازوت للصوبيا و لا أستطيع أن أجلس في الغرفة من البرد و لا يوجد سوى دفاية الكهرباء لأتدفأ.
هنا قلت للمدير الفني للمنشأة :
– بدك حل مستعجل ما هيك ؟
– نعم أكيد.
– بتنزل عالسوق بتشتري برميلين شمس و بتفتحهم بوجه الألواح .
– أستاذ ما عم امزح بدنا حل ضروري .
– في عنا مشكلتين… مشكلة فهم و مشكلة ناموس ..
الأولى أن الناس مفكرة أن الطاقة الشمسية يعني شمس متوفرة بكل الأوقات و ما عم يفهمو أنه بالغيوم و البرد مافي شمس… مافي شمس يعني مافي طاقة شمسية …و ما عم يفهمو أنها طاقة ضعيفة ما بتنفع للتدفئة.
المشكلة التانية أن كل واحد منهم مفكر أنه هوه أهم من كل الناس حوليه و لازم يخترق التعليمات و يعطي لنفسه الحق بتجاوز كل الخطوط لاستهلاك الموارد لنفسه بدون مراعاة المصلحة العامة..على مبدأ أنا و بعدي الطوفان.
– و الحل ؟
– الحل بتروح لعند شي نهر ..بتجمع أكبر كمية من الناموس ..بعدين بتجيبهم و بتسحقهم و بتتنقعهم بالمي يومين لتصير المي بخلاصة الناموس ..و بتصفيهم و بتعمل حقنة لكل هالموظفين اللي مافيهم ناموس .
– ههههه ظريفة أستاذ بس بدنا حل واقعي.
– الحل الواقعي أني جيب مطرقة و اطلع اكسر هالألواح و تحلو عني انتو و هالمنظومة… التكنولوجيا ما بتنفع لكل الناس.
