ألو دكتور الدوا متوافر عندي بالقدموس كان لوالدي بس الله

ألو دكتور … الدوا متوافر عندي بالقدموس
كان لوالدي
بس الله يرحمه توفى … و بقي كم علبة دوا بتبرع فيهن للحالة المريضة …

ألو دكتور – انا الصيدلاني تمام الخضر بطرطوس وجاهز وصل الدوا للمشفى فورا

ألو دكتور – انا الصيدلانية هبة بدير ماما و بنزل بفتح الصيدلية فورا

ألو دكتور – انا صيدلاني بمنطقة القصور و عندي الدوا تبرعوا فيه ناس توفا والدهم و أمنوني وصلهم لشخص محتاجن

ألو دكتور – أنا صيدلانية و متوافر من بكرا الصبح

ألو دكتور – أنا باللادقية و بشحنن بكرا الصبح فورا الكن

آلاف التعليقات لي استجابت للحالة بكل الحب و قدرت توصل المنشور لكل مكان

.
.
.

خلال دقائق أكثر من 20 اتصال للمساعدة بتأمين الدوا
و بكل اللهفة و بكل الحب و بكل الرحمة
أصوات المتصلين فيها لهفة و كأنن أهل المريض
و كأن المريض ابنن

.
.
.
الله لا يحرمنا محبتكن
و الله لا يحرم حدا محبتكن
أنتو شعب عظيم
لو شو ما صار فيه بتضلكن شعلة الحب و الانسانية لي بتضوي الدنيا كلها … الف شكر الكن فرداً فرداً
(ميددوز)