وعدتكن احكيلكن عني ووضح كتير مفاهيم :
♦️ متلازمة syndrome
مجموعة علامات وأعراض طبية وسلوكية بترتبط بمرض معين وبتحدث بشكل متزامن يعني👇
ظهور المرض بيكون متزامن مع ظهور الأعراض.
وكل متلازمة الها صفات
وراثية بتميزا عن غيرا.
♦️ داون …نسبة للطبيب البريطاني اللي اكتشف المتلازمة عام 1866 وهو /جان لانكدون داون /
منغولي .. لانو عيوني مائلتين للاعلى شوي وملامحي بتشبه ملامح عرق بشري بشرق آسيا وهو بدولة منغوليا .
♦️ شو التفسير البيولوجي ؟
الطبيب الفرنسي جيروم ليجون اكتشف عام1959 انو خلاي اطفال داون عندن صبغية زائدة (كرموزوم) يعني 47 صبغية اما الشي الطبيعي هو وجود 46 صبغية
طبعا👈 السبب مو واضح بدقة ولكن في عوامل خطورة أهما :
اشعات ذرية🌹مواد كيمياوية بالاغذية🌸ادوية بتاخدا الام قبل الحمل وتقدم الأم بالعمر عند الحمل وهالسبب مهم وبيزيد احتمالية الاصابة.
شكلي مبين وأهم صفاتي الجسمية هي 💓
..عيوني مائلتين لفوق
..أنفي وراسي صغير ووجهي بيبين وكأنو مسطّح
.. ايديي صغار واصابعن قصيرة
.. اقدامي صغار واحيانا مسطحتان واصابعن قصار
.. ذراعين قصار نسبيا
..ارتخاء نسبي بالعضلات
.. تجويف فموي ضيق بالنسبة للسان ضخم وهالشي 👈 بيسببلي مشاكل نطقية ف كلامي بيكون مو واضح
.. رقية قصيرة وفم مفتوح ولسان طالع خارج الفم
.. قد يكون عندي فتحة بالقلب ومشاكل سمع وغيرا
لكن انتبهوا 👈🌹👇
مو بالضرورة تجتمع كل هالصفات سوا لدى كل طفل داون ….
المرة الجاية ان شالله بحكيلكن عن أهم مشكلاتي بالادراك والتفكير والكلام.
مع كل الحب❤️ من متلازمة الحب
محمد ونوس
اختصاصي تقويم النطق واللغة
(سماعة حكيم)
متلازمه الحب