أول سؤال بينطرح على الطبيب بعد الإجراء السني « ايمتى فيني آكل ؟!؟ »

🇺🇲 : Thank you Doctor .
🇱🇧 : يسلم أدَيك حكيم، عذبتك .
🇸🇾 : والله كان هالكني هالسن يا دكتور، المهم ايمتا فيني آكل !!

●»» بعيدا عن المزح والفكاهة … أول سؤال بينطرح على الطبيب بعد الإجراء السني « ايمتى فيني آكل ؟!؟ » .

●»» يا ترى أنت بتعرف ايمتا لازم تاكل، وشو الغرض من منع الأكل بأول كم ساعة ؟!؟

●»» الجواب عنا … لكـن بالبداية لازم نعرف نوع الحشوة، وعلى أساس نوعها منحدد مدة انتظارك قبل الأكل، وحتى نوع الأكل يلي بتاكلو، حيث بيّنت الدراسات أنَّ :

🔰 حشوة الكومبوزيت / الحشوة البيضا/ :

تتصلّب مباشرة بالعيادة بالضوء الأزرق يعني فيك تاكل فورا، مع هيك رح يوصيك الطبيب بالانتظار لمدة ساعتين قبل الأكل لاعتبارات أخرى وهي :

⚠️ التخدير الموضعي :

في حال كنت تحت أثر التخدير وتناولت الطعام ممكن تعض على شفاهك، خدك، وحتى لسانك بدون ما تحس وتأذي حالك، لهيك حبَّذا لو ننطر من 1 لـِ 3 ساعات حتى زوال أثر المخدر .

⚠️ الإجراءات الجراحية :

يجب الانتظار لفترة قبل تناول الطعام بعد الجراحات الفموية حتى لا نحرض النزف مرة تانية .

⚠️ عدم راحة اللثة :

يعني من الممكن تهييج اللثة القريبة من السن أثناء اجراءات الحشو السني، مما يؤدي للألم، الذي يزداد مع تناول الطعام .. لهيك يوصى بإيقاف الأكل على جهة الإجراء السني ريثما تتحسن اللثة /ممكن نلجأ لمضمضة المي والملح في حال أذيات اللثة / .

⚠️ زيادة الحساسية :

ممكن تسبب الإجراءات السنية حساسية بالأسنان لبضعة أيام، وخلال هي الفترة يرجى تجنب الأكل على جهة الحشو حتى لا تزيد المشكلة .

🔰 أمّـا حشوة الأملغم / السودا/ فتحتاج مدة ……؟!؟

يا ترى بتعرفو شو المدة، وهل عندكم فكرة عن النصائح يلي ممكن نقدمها بعد إجراء حشو السن ؟؟

بقية معلوماتنا بمقال آخر …

من هون لوقتها تبقوا بألف خير ..❤..

كنت معكم بالإعداد د. آيـة معـن محمـود .

مــــيددوز ~ مـــــصدرك للـــــمعلومات الـــــطبية الــــــموثوقة 🛡 .

مواضيع صحة الاسنان والفم