رحت وشيكت على محرك التوربين (حجمة 1.5 حصان ) لقيتو محرك تريفاز شيكت عالفازات لقيت فاز مقطوع
تابعت الخطوط مالقيت دارة حماية قاطع فاز
كلفة الصيانة 1.5 مليون بدون سعر لوحة قاطع الفاز …
الملاحظة معقول في كهربجي بيوصل أيا محرك ثري فاز لشو ماكان يكون بدون لوحة حماية ..!
إذا بدنا نجي للواقع كل الناس بتوصل مضخة المي تبع البيت شو ماكانت استطاعتها على قاطع مباشر من الكهربا بدون لوحة حماية وهاد غلط مع العلم المضخة بتكون ميني فاز…
حماية المضخات حتى لو كانت ربع حصان أو أيا استطاعة المفروض نحطلها حماية والحماية لوازم بسيطة وغير مكلفة كتير
كنتكتور مناسب لاستطاعة المضخة وأوفر لود مناسب للكونتكنتور ويعاير على استطاعة المضخة المناسبة…
الحماية للمضخة غايتها شو ما صار نكون بأقل الخسائر
إذا ما شغلتها لفترة بتكربج ووقت تحاول تشغلها إذا كانت على قاطع مباشر بتحترق وإذا في لوحة حماية كيف ماحاولت تشغلها بيفصل الاوفر لود وممكن بتحريك اكس المضخة ترجع تشتغل أو بأسوأ الاحتمالات تغيير رلمانات وموانع جديدة للمضخة بدون مانفوت بدواوين لف محرك ودفع مبالغ كنا بغنى عنها لو اشتغلنا صح من البداية …
ناس كتير بتنزل غطاس المي بالبير بدون حساسات مي وإذا نزل مستوى المي بالبير عن الغطاس بيحترق لسبب تافة وبيوصلو الغطاس على قاطع مباشر لحتى أيمتى ما اجت الكهربا يشتغل الغطاس وبدون أيا حمايات
يلي اخترع دارة الحساسات وركبها بلوحات عالمية مو غبي ونحنا منتشاطر ومنلغي ومنضيف على كيفنا بخبرة أو بدون خبرة
في ناس بتعرف بس قليلة مروة بس بدها تقضي شغلتها وتمشي وفي ناس مابتعرف وبتلغي على كيفها او بدون مبالاة …
الصورة عندي بالبيت
الزبون بس يشوف تكاليف اللوحة بيرجع بقلك ركب وتوكل الله من دون لوحة