معلومة لسة طازة وجديدة لانج بالنسبالي، وهي إزاي تتحكم في الـOverscroll behavior!
خليني أديك مثال، على الموبايل لما بتسحب من فوق لتحت، بيعمل Refresh إجباري، رخامة كدة، لو انت بتعمل مشروع معين ومحتاج تلغي السلوك ده، الـProperty دي هتفيدك جدًا
برضه لو في Modal معروض في الصفحة والمحتوى اللي جواه Scrollable، الطبيعي لما بتخلص Scroll جوة الـModel نفسه بتبدأ تـScroll داخل المحتوى اللي برة (اللي المفروض إنه مخفي ومفيش عليه Scrolling أصلًا!)
وبرضه الحل كان في الـProperty دي، الـOverscollr-Behavior، واللي تقدر تحدد من خلالها السلوك المناسب سواء بشكل أفقي بس أو رأسي بس، أو بشكل أفقي ورأسي مع بعض!
الـProperty دي بتاخد 3 قيم مخصصين ليها
1- الـAuto، ودي القيمة الإفتراضية، وهنا انت سايب المتصفح يعمل السلوك اللي هو شايفه مناسب
2- الـContain، وهنا إنت بتقول للمتصفح خليك جوة المحتوى اللي بعمل عليه Scroll وماتطلعش براه، وهيحل مشكلة الـModal اللي اتكلمنا عنها فوق تمامًا
3- وأخيرًا الـNone، وهنا انت بتلغي أي سلوك للمتصفح في حالة الـOverscrolling، بحيث يا تهندلها انت بعدين يا هي مفيدة ليك بالشكل ده 😄
وبس كدة، ده كان بوست سريع تاني في سلسلة CSS Notes، معلش عارف والله إني مقصر في الـJavaScripts and Algorithms بس بإذن الله هنرجعلها تاني قريب، دعواتكم بس بالبركة في الوقت ❤
وكالعادة، ده الموضوع ببساطة
الجينيص
الجينيص