إسعـــــاف الغـريـــــق تركــــه يغــــــرق ! هي أول خ

🔴 » إسعـــــاف الغـريـــــق ~ تركــــه يغــــــرق !

هي أول خطـوة من خطـوات إسعـاف الغريـق ؛ أنك تتركه يغـرق في حال أنت شخص غيـر مؤهـل لتقوم بعمليات الإنقاذ بالماء .. و لو كنت سبـاح ماهـر !

✔ – لأنك لو اندفعت و نزلت لعنده رح يصير عنا غريقيـن بدلاً من واحد ؛ لأنه بسبب توتره رح يمنعـك تقوم بأي حركة صحيحة لسحبه و رح يحاول يتمسك فيك و يشدك للأسفل .. و بتتحول من مُنقذ لغريـق !

✔ – لذا تذكر إنك فرصـة الشخص الوحيدة للنجاة ؛ و من الخاطئ أنك تضحي بنفسك و فيه بسبب التسرع !

✔ – أول خطوة هي أنك تنتظر لحتى يفقد الوعي و من ثم تنزل تسحبه من المياه !

✔ – هي المدة مارح تأثر على حياته ؛ و هيي أقصر من المدة يلي رح تصارع فيها المياه معه لتقدر تسحبه !

⛔ » لذا خلونا نثبت سوا أول خطوة كمبتدئين بالإسعاف الأولي و هيي : منتركه حتى يفقد الوعي ؛ ومن ثم منقوم سريعاً بإحاطة اليدين حول ظهره و سحبه .

و هلق منقدر ننتقل لخطوات الإسعـاف الأولـي للغريـق و عنا فيهم طريقين :

✅ – مُصــاب واعــي : يعني فايق و مُستجيب معك للكلام و الحركة ؛ رح نقله الحمد الله على السلامة بس ممنـوع نتركـه .. مناخده فوراً على أقرب مشفى كرمال يتلقى الفحص الكامل و نتأكد من عدم وجود مياه بمجرى التنفس لأنو هالأمر رح يسبب مضاعفـات خطيـرة لاحقاً !

⬅️ مُصاب واعي ⬅️ إسعافه يكون بنقله إلى أقرب مركز طبي .

✅ – مُصـاب غيـر واعـي : و هون أول خطوة هي وضعه على سطح صلب ( الأرض ) و طلــب الإسعــاف ..

و من ثم عنا احتمالين بدنا نبدأ خطوات الإسعاف الأولي على أساسهم لذا جيبوا ورقة و قلم و خلونا نسجلهم سوا :

✔ – مُصـاب غيـر واعـي لكنه يتنفس
❌- مُصـاب غيـر واعـي و لا يتنفس .

طيب كيف بدنا نعرف إذا المُصاب يتنفس ولا لا يتنفس ؟!
باستخدام ثـلاث حـواس أساسيـة : النظـر – السمـع – الإحسـاس

رح نحط وجهنـا عند أنـف و فـم المُصاب و نقيم التالي :
▪بنظرنـا : حركـة صـدر المصاب
▪بسمعنـا : صـوت تنفـس المصاب
▪بإحساسنـا : زفيـر المُصـاب على وجهنا

⛔ » طبعاً عملية التقييم ما لازم تتجاوز ( 10 ثواني ) .. كيف منعدهم بشكل صحيح ؟!

من الخاطئ نعدن بسرعة أو ببطء و الحل بكون بإننا بين الرقم و التاني نستخدم كلمة يعني : 1 ألف 2 ألف 3 ألف وصولاً للعشرة ..

و هلق صار فينا نبدأ بالأســـــعـافــــــــــات الأولــــــــيــــــــــــــة :

1️⃣ لو المُصاب عم يتنفس : منثبته بوضعية الإفاقــة ( العملية موضحة بفيديو ضمن التعليقات ) و منحاول ندفيه ببطانية و مننتظر قدوم الإسعاف .

2️⃣ لو المُصاب ماعم يتنفس : خدوا نفس عميق .. هدوء و ضبط أعصاب و طبق التالي :

👨🏻‍⚕️- ارفع رأس المصاب عن طريق وضع يد على جبينه ويد أسفل ذقنه وارفع الرأس بحذر ؛ كرمال نفتح مجرى التنفس .

👨🏻‍⚕️ – افتح فمه لتفحص وجود أي جسم غريب عالق بمجرى التنفس ؛ ولو كان موجود منشيله بحركة الخطاف ( ثني السبابة كالخطاف و سحب الجسم الموجود )

👨🏻‍⚕️- أغلق فتحتي الأنف للمصاب بشكل تام ؛ خود نفس عميق و حط شفتيك على شفتي المصاب بإحكام و أنفخ بقوة بفمه حتى يرتفع صدره و خليك عم تراقب حركة الصدر ..

منكرر العملية مرة كل 5 ثواني تقريباً ( حوالي 12 نفس بالدقيقة ) و منراقب مع كل نفس حركة الصدر و نبض المصاب عن طريق جس الشريان السُباتي بالرقبة .

👨🏻‍⚕️- لو رجع المُصاب يتنفس ؛ منحطه فوراً بوضعية الإفاقة و منبقى عم نراقب النفس و النبض لحين وصول الإسعاف .

👨🏻‍⚕️ – لو المصاب ما استجاب لإعطاء النفس و لاحظنا غياب النبض منبدأ بعملية الإنعــاش القلبــي الرئــوي لحين وصول الإسعاف ( العملية موضحة بفيديو بالتعليقات )

هي الخطوات مهم جداً كل فرد فينا يكون على دراية فيها ؛ لا تقرأه كبوســت عــادي .. هاد البوست هو فرصــة لإنقاذ روح عم تطلب المُساعدة .. و للأسف تكررت بالفترة الأخيرة حوادث الغرق بشكل كبير لذا لُطفاً نتساعد بإيصالـه للجميع ..

بأي لحظـة خليك جاهـز .. بأي لحظـة كُـن أنـت المُسعـف ❤

مـيددوز ~ مصـــدرك للمعلومـــــــات الطبيـــــــة الموثوقـــــــة 🛡

(ميددوز)