كتار منا ممكن يتعرضوا لحوادث مرورية أو حوادث سقوط ممكن تؤدي لانخلاع أحد الأسنان وخروجه من مكانه‼️
بس يلي كتار منا ما بيعرفوه هو انو ممكن إعادة زرع هي الأسنان بنجاح ✅
ولكن فقط في حال اتباع خطوات محددة و سريعة رح نحكي عنها اليوم :
1️⃣ امسك السن من الأعلى(التاج فقط) , ولا تلمس الجذر أبداً .
2️⃣ افحص التاج أو الجذر عيانياً لتحديد وجود فقد أو كسر ببنية السن .
3️⃣ لا تحاول تنظيف السن عبر الفرك أو الكشط 🚫 ممكن يؤدي هذا الشيء لاتلاف سطح الجذر , وتقليل احتمالية نجاح إعادة زرعو.
4️⃣ ممكن اذا تواجد على السن أوساخ أو مواد غريبة تحاول
شطفه ((لمدة ما بتزيد عن 10 ثواني)) بوعاء مي فاتر
⚠️ واوعك تحاول تغسلو تحت ماء دافق متل الصنبور
لأنو هالشي ممكن يقتل الخلايا المتبقية على سطح الجذر , ويلي هي العامل الأهم باعادة التصاق السن .
5️⃣ حاول إعادة السن لتجويفه ضمن العظم , واذا ما ثبت مكانه ممكن تعض بلطف على قطعة شاش صغيرة , وحافظ على هالوضع لبين ما توصل لعند الدكتور .
6️⃣إذا ما قدرت ترجع السن لمكانه , حاول حطو بدهليز الفم بين خدك ولثتك , أو بلعابك , أو ضمن حليب بارد , أو ممكن استخدام أوساط فيزيولوجية خاصة لحفظ الأسنان المكسورة موجودة في الصيدليات في حالة تواجدها .
7️⃣ راجع طبيب الأسنان فوراً لاسعاف الحالة، ولا تتأخر أبداً .
و دمتم بخير وسلامة… ❤️
● إعداد وتحرير : د . ليث طهموز
● المصدر العلمي :https://mayocl.in/3fylVN1
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم