إكسسوارات الأسنان

ميددوز || إكسسوارات الأسنان .

عيش كتير بتشوف كتير 👌…

إذا سألنا الصبايا شو إكسسوارهن المفضل، رح يكون الجواب سنسال خاتم أو أسوارة، بس إذا كانت الصبية كتير ع الموضة رح تجاوبنا « إكسسوار الأسنان »..وحتى لا تقف مندهشاً من سماع الجملة السابقة عزيزي القارئ😂، تعالوا نعرفكم ع آخر تريند بعالم المجوهرات .

[ #إكسسوارات_الأسنان ]

⛔ إجراء غير جراحي وغير مؤلم وغير مكلف كثيراً (السعر بيختلف حسب نوع الجوهرة) . يكون على شكل تيجان مصنوعة من الذهب أو الفضة او معادن غير ثمينة مع إمكانية الترصيع بالجواهر .

⛔ يمكن إزالتها بسهولة .

⛔ الأسنان المستخدمة للإكسسوار بالتثبيت هي القواطع و الأنياب .

⛔ يفضل وضعها على السن من دون أي تحضير، لكن ببعض الأحيان ممكن يتحضر حفر صغيرة على الأسنان للالصاق بها وهالشي غير مرغوب لأن رح يسبب عيب دائم بالسن و تسوس والكثير من الأضرار الأخرى .

🔰 مما سبق👆في عنا سلبيات لازم ننوه عليها .. وتشمل :

⚠️ تآكل الأسنان المتوضعة عليها والأسنان المقابلة والمجاورة.

⚠️ حساسيّة وتهيج والتهابات باللثة في حال استخدام المعادن غير الثمينة .

⚠️ مهم جدا نزعها أثناء الأكل لأن انحصار الطعام بينها وبين الأسنان يؤدي لـِ ( تسّوس الأسنان / تقرحات والتهابات بالشفاه/ كسور في الأسنان وهي الأخطر ) .

🔰 و للحد من هذه الأضرار 👆 يجب :

⚠️ تقليل الوقت يلي منحطها فيه.

⚠️ تنظيفها يومياً وإزالتها أثناء الأكل.

⚠️ عدم صناعة حفر لربطها.

⛔ عزيزتي إكسسوارات الأسنان ليست وليدة هذه الأيام، يعني موجودة من زمان كتير عند حضارة المايا و عند الأمريكيين الأصليين بس هلا لرجعوا استعملوها، لهيك ما مستاهلة تخربي أسنانك كرمال موضة رح تبطل بعد فترة 🌸.

تضلوا بخير♥

مسابقة ميددوز

● إعداد : د. أمل سمير داود.
● تحرير : د. آيـة معـن محمـود.
● المصدر العلمي :
https://bit.ly/3hn0vn5
https://bit.ly/33B0gg0

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم