والله يا أخـوان …
والساعة شي ٣ الفـجر
وهالناس نيـــام وغرقانة بالأحــلام …
برن موبايلي، غريب!! … ما أنا طبيب أسنـان 😉
وإذ؛ مكالمة من العم اللي مو قدران شوووو …!!
» ينام.
بفز على حيلي نص مغمَّض ونص صحيان …
برد ع المكالمة ف بسمعو عم يقول :
دكتووووور دخيييييلك لحقني يادكتور…
ضرسي اللي سحبتلي عصبو موتني من الوجع وماعم يخليني نام…
😌 لاتخاف ياعم شغلتك بسيطة ومافي شي بخوف؛ اللي صاير معك هو التهاب رباط سنخي سني…
⛔️ بأغلب الحالات اللي منسحب فيها عصب السن بتترافق بألم شديد تالي للمعالجة وهاد الألم ممكن يضل لمدة اسبوع تقريباً…
⛔️ سببه عدة عوامل:
1️⃣ التخريش الناجم عن المواد الحاشية والمبارد اللي استخدمناها ونحن عم نسحب العصب ونقوم بتوسيع الأقنية.
2️⃣ الانتانات الجرثومية اللي بتصيب لب السن وهي الانتانات ممكن توصل للرباط وتسبب هاد الالتهاب.
⛔️ واللي من ٲعراضه:
ألم شديد، وخصوصاً عند الإطباق، انتفاخ وتهيج واحمرار اللثة…
⛔️ والحل لكل هالألم…
نخفف القلق والتوتر.. لأنو هالألم طبيعي خلال أسبوع من المعالجة اللبية أو (سحب العصب) ..
و ناخد مسكن ألم؛ ريثما نتوجه لطبيب الأسنان أول ما يجهجه الضو …
من منصة صحة الفم … منتمنالكم ليالي هادئة خالية من الآلام السنية … ❤️
ويلا تنـام يلا تنـام ؛ لاشتريلك طير الحمـام….
● إعداد : د. ميشيل شقرة.
● التحرير والتدقيق العلمي: د. أريج نجهاني.
● المصدر العلمي : https://bitly.com/
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.
مواضيع صحة الاسنان والفم