ابني سحـبلي كل الكلـس من أسنانـي، وبلشت المشاكل عندي

🔴 ملاحظـة :

●»» إنَّ هذا المـقال موجّــه إلـى كُـلّ أمّهــات الحاضِـر والمستقـبل …

🤱: واللـه ما ضعفـوا أسناني لحتّـى حملت وجبت هالولد …

🤰: ابني سحـبلي كل الكلـس من أسنانـي، وبلشت المشاكل عندي …

🔴 أنتَ/ـتِ كطبيبـ/ـة أسنان، أو شخص عادي رح تسمع العبارات السابقة كتير، لهيـك من واجبـنا نوضّـح ما يـلي :

🔰 أوّلاً :

● رغم الاعتقاد السّائد بأنّ الحمل ضار بالأسنان، إلّا أنّ الأسنان لا تلين، أي لا يحدث انسحاب كبير للكالسيوم والمعادن الأخرى [ حرام البيبي ما إلو ذنب وما عم يتقاسم معك الكالسيوم والكلس، هو عم يتقاسم معك #الغذاء والحُب وبس ❤️ ] .

🔰 ثانيـاً :

● من المهم نوضّح للمرأة الحامـل أنو أنسجة الفم بشكل عام ممكن تتأثّر بالحمل، وخاصة اللثّة يلي مُمكن تنصاب بـ التهاب ونزف نتيجة تزايد هرمون الـ HD .

● هرمون الـ HD ممكن يغيّر تركيب اللّعاب، ويعمـل بعض التغيُّرات بالأنسجة اللّثوية ينجم عنها جفاف الفم، بالإضافة إلى تشكّل القلح [ البقايا الصلبة الصفراء ]، وجعل اللّثة أكثر حساسيّة .

🔰 ثالـثاً :

● الوحـام [ حبيبنا ] يزيـد فرص نَخر وتسوّس الأسنان وتقلقلها أحياناً، لأن [ المرأة الحامل من الممكن أن تتحول لكائن في غاية اللّطف والهضامة ما بيترك شي قدامو ما بياكلو، وبتحب تنوّع من كل الأشكال والألوان حلو مالح مر حامض، المهم أكل💆🏼‍♀️] .

🔰 رابعـاً :

● لازم نوضّح كمان أنو الإقياءات المتكرّرة المترافقة مع الحمل ممكن تسبب تآكل حمضي بالأسنان، لهيـك مننصح الحوامل بأنهن يفرشوا أسنانهن بعد فترة من الإقياء أو المضمضة فوراً .

🔰 خامسـاً :

● تنبيـه الحامـل لأن إهمالها بشكل شديد لأسنانها ممكن ببعض الأحيان يسبّبلها الوَرم الحملي، يلي هو عبارة عن نسيج حُبَيبي بيتشكّل بالقرب من الحُلَيمة اللَّثوية نتيجة التّخريش .

● هاد الورم ممكن يروح لوحدو بعد فترة، أو ممكن نلجأ لعمل جراحي لاستئصالو في حال كان حجمو كبير وعم يسبّب إزعاج للأم الحامل .

🔴 ختامـاً بدّي خبركن أنّو الأعراض السريريّة لأيّ حالة من هدول الحالات بتظهر خلال الشهر الثاني من الحمل، وبتستمر حتى الشهر الثامن، وبتكون بأقوى مراحلها خلال الشهر الثالث، حتّى إنها ممكن تستمر بمرحلة الرّضاعة .

🔴 ولحتّـى ما يصير معك ولا شي مما سبق 👆.. مطلوب منك يا جميلة فقط أنك تحافظي على استمراريّة النّظافة الفمويّة، وتحاولي تضبطي وجبات أكلك، وتركزي ع الغذاء الصّحي .

●»» منّي ومن الميددوز كل الحُب إلك ولطفلك …

●»» تبقـوا بألــف خيــر ..❤️..

● إعــداد : د. بانـة يحـيى عيســى .

● المصــدر العلمـي :
https://pubmed.ncbi.nlm.nih.gov/12418714/

مــــيددوز ~ مـــــصدرك للـــــمعلومات الـــــطبية الــــــموثوقة 🛡 .

مواضيع صحة الاسنان والفم