اتصرف صح وبسرعة قبل ما تخسر السن !
تخيّل معي صديقي وأنت عم تلعب بالتلج ، زحطت وقعت عالأرض ، وإذ بتلاقي سنك بلّش يهز ، وللاسف وقع هالسن بين ايديك..💔
بتعرف انو في خطوات محددة وسريعة بتساعدك لترجع تزرع هالسن بنجاح ؟؟🙏
ركّز معي صديقي المتابع واحفظ هالخطوات :
🛑 أولاً امسك السن من أعلى التاج فقط , ولا تلمس الجذر أبداً ..
🛑 افحص التاج أو الجذر لتحديد وجود فقد أو كسر ببنية السن ..
🛑 لا تحاول تنظيف السن عبر الفرك أو الكشط، فقد يتلف سطح الجذر , وتقليل احتمالية نجاح اعادتو .
🛑 اذا تواجد على السن أوساخ أو مواد غريبة تحاول شطفه ((لمدة لا تزيد عن 10 ثواني)) بوعاء مي فاتر ..
( اوعك تحاول تغسلو تحت ماء دافق متل الصنبور لأنو هالشي ممكن يقتل الخلايا المتبقية على سطح الجذر , ويلي هي العامل الأهم باعادة التصاق السن )
🛑 حاول إعادة السن لتجويفه ضمن العظم , واذا ما ثبت مكانه ممكن تعض بلطف على قطعة شاش صغيرة , وحافظ على هالوضع لبين ما توصل لعند الدكتور ..
🛑 إذا ما قدرت ترجع السن لمكانه , حاول حطو بدهليز الفم بين خدك ولثتك , أو بلعابك , أو ضمن حليب بارد , أو ممكن استخدام أوساط فيزيولوجية خاصة لحفظ الأسنان المكسورة موجودة في الصيدليات في حالة تواجدها .
🛑 أخيراً راجع طبيب الأسنان فوراً لاسعاف الحالة ولا تتأخر أبداً..
وأخيراً منتمنالكن أسنان قوية خالية من العيوب والفراغات 😁
⚪ اعداد و تحرير : د . ليث حسن طهموز
⚪ المصدر : https://mayocl.in/3fylVN1
✅- للمزيـد : @أطباء الميددوز ( https://www.facebook.com/groups/1488728874654940/?ref=share )
مـنظمة ميـددوز ~ مـصدرك الـموثـوق للـمعلومـة الطبيـة 🛡
مواضيع صحة الاسنان والفم