حبيت شارك بهالمعلومة يمكن تفيد
براد الحافظ ٢١ قدم تبريد هوا موديل ٢٠٠٣
الشركة قالو ما بيتبدل محركه واذا تبدل ما بينجح ولا بيعطي نص التبريد والافضل تبيع وتشتري براد محرك انفيرتر اساسي
لقيت مهندس تبريد معلم بمصلحته قال على كفالتي
وبدلنا المحرك من حوالي ست شهور
الصورة المرفقة نموذج لتبريد محرك الانفيرتر
حطيت هالعينه اول ما اشتغل البراد عالساعه ٨:١٥ صباحا”
بعد ساعتين طلعت هالاسطوانه المثلجة
بتوقع النتيجة ممتازة لبراد تبريد هوا
ممكن نعرف سعر المحرك الانفيرتر اليوم ؟
براد هوا و ساعتين بيتلج ؟
في مشكلة عفكرة
تابعها قبل ما تخسر الموتور
بكرا بعز الصيف خلينا نشوف الاداء
جزاك الله خير الجزاء
اخي مشكلة بس يعطل كرت الانفيرتر بيصير الضاغط ع الكب حتى لو شغال ، وقطع تبديل مالو ، بدك تضطر تشتري ضاغط جديد ..
قبل اي شي المفروض نعرف ضغط الكابليري اذا كان بيناسب محرك الانفرتر او لا …
علميااا محرك الانفرتر اقوي من المحركات العادية واقل استهلاك للكهرباء ولا يحتاج امبير عالي للإقلاع فالموضوع صحيح علمياا. كل ما علينا انتقاء ضاغط نوع جيد
صديقي يمكن حضرتك حابب تعمل تسويق لهاد المهندس الفهمان
ولكن دارة التبريد لبراد الحافظ 2003
بيعتمد على غاز فريون R12 كا تصميم لشبكة النحاس مختلفة تماما عن تصميم شبكة النحاس لغاز R600
لذالك الفكره مو انو هوي مخترع ذره اذا حط ضاغط نظام انفرتر وحط وغاز R600 واشتغل حاليا
ولكن بعد كم سنه فرجينا النتائج
علاء برغل شو الوضع
غيرت المحرك بس بعد التشغيل بنص ساعه يجمد البوري . …
سألت الفني الي ركبو قال زيادة غاز نفس المتور شوي
بس ماستفدت شي
معقول الفني مايقدر يعير الغاز .
ممكن حدا يفيدنا
كان من قبل مافي متورات غير 90 قياس ثلث مانجح على الحافظ لانو قياسو صغير
هلق صار في 110 نفس قياس الخافظ نجح نجاح باهر
ياسيدي الله يهنيك بالمهندس
بس بدنا فنين التبريد يردو
على المحسن والمساؤى
معلم الله يعطيك عافيه
بس الفكره بالانفرتر هوي انو اولا نوع الغاز غير وهالشي رح يبين معك بشبكه التبريد اولا وبشبكه النحاس …غاز ال 600بيبرد بسرعه عالضغط بس لزوجتو عاليه رح تتعب الانفرتر بالضخ بالشبكه ولازم تحكيه للشب يركبلك صمام عم رجوع اقل شي .
2- محرك الانفرتر او محرك تبريد السيارات بالاصل بيركب عالسياره وهية عم تتحرك فبحاجه مروحه وهوا عطول عليه والا بتخسرو لهيك لاتوقف المروحه عنو
وغير هيك لاتفكر بشي تاني انشالله مابيخرب وبيبقى معك عطول المحىذ
وفصل الصيف بس تكون الحرارة 45 درجة لح يعطيك نفس الأداء
الشرح يطول ورح حاول اختصر
هي الشغلة متل توقيع ميتورات السيارات
يعني مثلا اذا جبنا محرك مازدا وبدنا نركبو لنيسان هو صحيح بيركب وبيشتغل وبتمشي السيارة بس رح يصير عندك مشاكل بالدوزان والحركة ….
وهيك موضوع الانفيرتر والعادي كل نوع الو مواصفاتو الخاصة
محرك الانفيرتر مفروض يكون معو دارة قيادة حتى ما يفصل لانو مبدأ الانفيرتر هو تقليل الدوران وليس الفصل
اغلب صاحبين المهن بيركب ضاغط انفيرتر بدل العادي وبيوصلو على الاتوماتيك العادي والسلام وهاد اكبر غلط
ناهيك عن مشاكل الكابلير وحجم دارة التبريد وبقايا الزيت من الضاغط القديم ……
ودمتم بخير
آسف على الاطالة
الله يسعد مساكم جميع لو بدي علق على المنشور وكل العليقات بدي يوم كامل حتى انتهي لكن يلي بحب يستفسر أكتر عن المحركات الانفرتر ياريت يحكي معي اتصال حتى يعرف كل شي عن هي الضواغط وانا مركب منها قبل ماتنزل على السوق وانا مركب لتاريخ اليوم حوالي شي ١٠٠ براد ولكل أنواع البرادات والمجمدات ولكم الشكر
أستاذ فايز المحترم
الشغلة مو بجودة التبريد
كل يلي ركبوا محرك أنفرتر أخدو تبريد ممتاز
بس الضربة مو هلأ
الضربة بعدين
أنا فني تبريد ولو كان الموضوع ناجح عالمدى الطويل كنت ركبت لبراد بيتي
وللعلم برادي حافظ 21 قدم عالهوا
واليوم وبكرا تجيب التجار محرك أنفرتر مع حساساته أنا أول واحد ببدله
بدلت المحرك من فترة بواحد عادي وتقريبا نفس النتائج وهندي مو كوري
سألت أحد بائعي محركات البراد الانفيرتر ، قال جميع المحركات يلي بالسوق استطاعة واحدة ، ويتم تركيبها على جميع مقاسات البرادات ، وهذا خطأ ، مو معقول عند براد ٢٤ قدم تركب له محرك انفيرتر ، ونفس المحرك يركب على براد ١٣ أو ١٦ قدم ، ناهيك عن نوع المحركات التي هي شغل الصين ، والأمر الآخر في حال تعطل كرت الانفيرتر ، لازم تغير المحرك بالكامل ، لانه لا يوجد كروت انفيرتر تباع مستقلة
ما مدى صحة هذا الكلام ؟
اخي الكريم انا شخصيا ماوجت فرق كبير بتبديل الضاغط بالنسبة للبرادات الهواء
لانو هية فيها سخان لتذويب الثلج وعندها ٢٠٠ وات سخان راح يشتغل كل شوي
اما الضاغط فسحبو كلو ١٠٠ وات بالمجمل التعديل لن يكون كالتصميم الاساسي وانا شخصيا اشتغلت بشركة الحافظ في قديم الزمان
هية شركة برأيي الشخصي شركة عملاقة و المهندسين والفنيين اصحاب خبرة وكفاءة عالية ولو كان تعديل الضاغط يعود بفائدة مرجوة لقاموا بعروض تبديل ضواغط و من المعروف ان عروض كهذه تشكل ارباح ضخمة وخصوصا اذا كانت هية الشركة الام المصنعة للبراد
صاحب المنشور مرحبا
لو سمحت ممكن عنوان المهندس واسمو و رقم موبايلو
أخي في إختلاف بين دراسة نظرية والواقع العملي
ومحرك الإنفرتر لو كان سئ ما كان تم إختراعه
بس بظروفنا يللي بيتطلب منا تبريد سريع بوقت قصير محرك عادي و براد تجميد هو أنسب خيار
نيالك ساعتين كهربا
اذا ركبنا لوح طاقه 540واط وانفرتر بيفتح على لوح واحد وبطاريه نص عمرا مابكون افضل وفيني شغل البراد واذا بدي شغل الغساله بوقف البراد وبالعكس مو افضل من محرك انفرتر بس لشغل براد
.
الضرب عالمعلم مو عالانفيرتر
منظومة التبريد هي دورة كارنو و الضاغط جزء الشغل فيها و اي مضخة تقوم بهذا العمل فما من مشكلة ستعمل المنظومة بشكل طبيعي
كلامك فيه شيء من الصحة لكن الموضوع غير علمي ويحتاج الكثير من التجارب لأسباب كثيرة
اولا الضاغط الانفيرتر فريونه R600a يلي بيعمل عند ضغوط منخفضة جدا مقارنة بالفريونات المستخدمة في البرادات المنزلية والملاحظ ان البرادات المصممة من الشركة الصانعة لتعمل بفريون R600a ان ردياتور ال Condenser اكبر من ريدياتور برادات R12 و R134a
ثانيا لا نعرف من حيث الدقة ضغط الكابيليري المناسب خاصة ان ضاغط الانفيرتر المتوفر عند باعة قطع غيار التبريد يناسب اكتر من استطاعة 1/5 و1/4 و 1/3 حسب زعمهم
لكن التجربة افضل برهان مع حساب ان ضاغط الانفيرتر عند تركيبه سيعمل بأقصى سرعة بشكل دائما دون التعديل حسب الحمل على نقيض البرادات التي تأتي مصممة بضاغط انفيرتر والتي تغير من سرعة الضاغط حسب الحمل
اخي الكريم
الحالة الخاصة ما بتعطي نتيجة للتعميم
اول شي انا دوما بنصح بعدم التبديل مو لأنه فكرة المحرك الانفيرتر سيئة
بالعكس محرك الانفيرتر كتير ممتاز
بس البضاعة اللي عنا بالسوق سيئة جدا
بس اذا الفني اللي عندك قدر يامنلك محرك نوعية ممتازه وحجمه كبير فهاد مو شرط للكل
ثانيا حجم المحرك
كل المحركات اللي موجودة بالسوق صغيرة وما بتتحمل برادات كبيرة
وكمان بيجوز الفني قدر يامنلك محرك كبير
وثالثا حضرتك عم تقيس تبريد البراد تبعك بالشتا
ورجيني حالك بالصيف وقت تكون درجة الحرارة عالية والمحرك الاساسي ما بيلحق تبريد فشلو نالمحرك اللي مو أساسي
ورابعا وأخيرا
المحرك اللي ملفاته المنيوم بيبلش شغل ممتاز بس بعد كم شهر بيبلش يحمى ويخف تبريده وينضرب
وهيك بترجع بتكب محرك برادك وممكن ترجع تركيب المحرك القديم
محركات السوق.. سيئه جدا مافيها حساس حراره..
فلهيك كل واخد عم يبدل. عم يكب مصاريه.. بس يجيبو محركات بحساسات ركبو وانتو مغمضين
براد الملك 19 قدم تلج بيتبدل المحرك وشو تكلفتو
ضاغط التبريد الذي يشغله انفرتر ::
اختراع حديث الغاية منه الحصول على ثبات في درجات الحرارة داخل البراد… وذلك بتغيير سرعة تدفق غاز التبريد اي تغيير شدة التبريد…
اذا رجعنا لمبدأ عمل الانفرتر فنحن نعلم انه يعتمد ألية تغيير التردد لتغيير سرعة المحرك المقاد…
من تطبيقات الانفرتر وظيفة pid اي تغيير التردد وفق متغير آخر. وحسب علاقة زمنية. اي هناك علاقة تناسبية في العمل وفي مثال البراد : تغيير شدة التبريد وفق تغير درجة الحرار ة..
طريقة التحكم في التبريد وفصل الضاغط كانت وفق حساس يعتمد على تمدد وتقلص غاز ضمن حجرة.. اي لدينا فروق في الفصل والوصل عند الدرجة المطلوبة..
جاء الانفرتر ليقول : انا اخفض التبريد عند الاقتراب من الدرجة المطلوبة واحافظ عليها بعد احتساب مفاقيد العزل او بعد فتحة باب سريعة.. زيادة ونقصانا هنا الحساس الكتروني ptc ntc pt 100
من خصائص الانفرتر توفير في التيار المسحوب من الشبكة..
فتم استيراده وتشغليه لتوفير في الطاقة بعد ندرتها لدينا..
وامعانا في التوفير فقد ركبوا ضواغط انغرتر صغيرة الاستطاعة على برادات كبيرة.. بحجة ان الانفرتر لديه حلا سحريا في التوفير والتبريد… ولم يركبوا له حساس اىحرارة الالكتروني..
الضرورات تبيح المحظورات…
وشغلنا من القديم ( ترقيع )
علي علي للصيانة
بتمنى تشوف البوست والتعليقات
الموضوع عجبني واتوقع يعجبك
ممكن رقم المهندس بعد ازنك