🚩 الفيلر، نسبة كبيرة من الناس مبهورة فيه و حابة تعمل فيلر بس شو هي الاشياء اللي مهم نفكر فيها قبل ما نتجه لعمل الفيلر 🤔…!؟
الميددوز متل ما عودكم هو معكم بكل الخطوات ليساعدكم تختاروا الأشياء الاكثر امان و صحة الكم 🤗
⛔من أنواع الفيلر، الجيل الصناعي و هو الشكل الاكتر انتشاراً للفيلر والو ماركات مختلفة بيتصنفوا على حسب المواد الطبيعية اللي بيقلدوها متل الكولاجين , الكالسيوم هيدروكسي أباتيت ,حمض هيالرونيك, السكريات البروتينية الللي بتجذب المي.
⚠️ في أنواع بتكون اقسى و بتسبب نفخ اكبر بالبشرة من أنواع تانية هاد الشي ما بيشبه حقن الدسم ذاتي المنشا اللي بياخدوه من مكان تاني بالجسم.
⚠️بشكل عام الأنواع المؤقتة و أشهرها الهيالورونيك أسيد اللي بيروح مفعولها بين ستة أشهر و السنة أفضل من أنواع القديمة الدائمة اللي كان من الممكن انه يرفضها الجسم و تسبب مشاكل كتيرة…
⛔ضروري تعرفوا‼️
حقن الفيلر هو اجراء طبي بيطلب موعد استشارة عند الطبيب/ة لتشوفوا التسهيلات و تسألوا اسئلتكم و ابداً ما تعملوه بمراكز تجميل ما بتحتوي اخصائيين (جراحة، جلدية، عينية، أسنان) أصحاب خبرة و مؤهلين للتعامل مع اية مضاعفات مهما كانت نادرة…
⛔ الهدف من الفيلر :
شي مهم كمان تعرفوا هدفكم من العملية الموضوع مو بس تبينوا اصغر ممكن تحقنوا بفترة مناسبة لتوجيه النتائج لمصلحتكم…
و ضروري تسالوا الدكتور/ة عن صور قبل و بعد لتشوفوا كيف ممكن تكون النتائج
⛔ المشاكل الشائعة اللي ممكن تصير :
الوجه هو خريطة من الشرايين و الاوردة تحت البشرة لهيك طبيعي يصير في كدمات بعد الحقن و كمان احمرار و نزف بسيط و عدم شعور بالراحة و بده شوي ليخف…
⛔المشاكل التانية‼️
على الرغم انه الفيلر بينسخ مواد طبيعية هي موجودة سابقاً بالجسم بس ممكن الجسم ما يحب هالشي و يظهر رد فعل على شكل :طفح جلدي , حبوب , كتل , تحسس، الالتهاب ممكن يخلي البشرة اغمق و هاد اللي منسميه فرط تصبغ ممكن هالمضاعفة تصير عند كل انوع البشرة.
⛔الاختلاطات النادرة ‼️
تموّت بالأنسجة او العمى اللي بيصيروا نتيجة حجب الدم عن هي الانسجة نتيجة اعاقة الفيلر للشرايين وبهالحالة لازم تراجعوا الطبيب…
⛔ الفيلر مو الحل لكل مشاكل البشرة…
هلق منحكي عن نقطة مهمة كتير انه الفيلر بيزيد الحجم بس ما بيحسن نوعية البشرة المجودة بالفعل عندكم لهيك ضروري تحكوا مع طبيبكم عن خيارات العلاج في حال كان عندكم حبوب عميقة, تجاعيد , تصبغات جلدية بنية او أي مشاكل تانية…
⛔ مميعات الدم و الأدوية…
خبروا طبيبكم عن اي أدوية عم تاخدوها و خصوصاً المميعات متل الاسبرين او البروفين اللي ممكن يخلوا الكدمات تضل لوقت أطول , غالباً الأطباء بيوقفوا المميعات قبل أسبوعين من الحقن…
⛔ما تحطوا ميكاب…
لتقليل خطر الانتان، فلازم يكون وجهكم نضيف وقت الموعد و الطبيب رح ينضفو كمان قبل الحقن و رح تنطروا على الأقل ساعة لتحطوا ميكاب بعد الحقن و لما بدكم تحطوا استعملوا فراشي نضيفة و جديدة…
و بالنهاية انتنَّ جميلات مع فيلر او بدونه ابقينَ صحيات و مشرقات على طول و اخترنَ الشيء الأنسب لكنّ ❤️❤️
● إعداد وتحرير :د.ريام محمد النجار
● المصدر العلمي :https://wb.md/3g2q2kS
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
مواضيع صحة الاسنان والفم