🖍» شــو السبب وراء حدوث الانـــتصاب صبـاحـاً ؟!
🖍» لـيش الإحـراج ؟!
⛔ » الانتصاب الصباحي (انتصاب القضيب الليلي NPT)
الذكر السليم ممكن يحصل عندو انتصاب 3 – 5 مرات خلال الليلة الواحدة ؛ وقد يستغرق كل واحد منن 25 – 35 دقيقة
بينتصب القضيب عدة مرات و بعود للارتخاء، ممكن يلاحظو الشخص لمّا يفيق الصبح (بكون آخر مرة بسلسلة الانتصاب خلال الليلة)… و اللي بيزول خلال دقائق من الفيقة.
بيعتقد بعض الناس انو هالانتصاب هو علامة على حصول تنبيه جنسي (إثارة) ، لكن مو هاد هو السبب دائماً… ممكن يصير الانتصاب نتيجة استجابة الجسم لأحد العوامل الطبيعية
♂️ في أيّ عمر يحدث ؟
ممكن يصير بأي عمر، حتى الأجنة الذكور ممكن يحصل عندن انتصاب بداخل الرحم. عادةً بيقل الحدوث مع التقدم بالسن
♂️ طيب ليش بيصير ؟!
بيتحكم العصب العجزي (اللي هو جزء من الجهاز العصبي نظير الودي) بالانتصاب. الجهاز العصبي نظير الودي بينشط خلال استراحة الجسم ؛ وهو مسؤول عن أمور متل الهضم، التخلص من الفضلات، الاستثارة الجنسية…
و بينشط خلال النوم ؛ لهيك أحياناً ممكن يصير انتصاب و الشخص نايم.
بالرغم من أنو السبب غير مفهوم بدقة؛ إلّا أنو الأطباء بيتفقوا أن الانتصاب الصباحي هو علامة على أن الأمور بحالة جيدة ❤
(سلامة التروية الدموية و التعصيب بما يخص القضيب) .
يعني ما تزعل او تتدايق من الانتصاب الصباحي ❤
♂️ هناك عدة تفسيرات: الأحلام، امتلاء المثانة، مرحلة النوم REM؛ هل لهم دور بالانتصاب؟ نعم ؛ لكن بتضل هالأمور إلها ارتباط بالجهاز العصبي نظير الودي
خلال مرحلة حركات العين السريعة REM للنوم بكون الجهاز العصبي نظير الودي نشيط أكتر، وهو الوقت اللي محتمل أنو تحلم فيه (وأحياناً رؤية أحلام شهوانية)، هالشي ممكن يأدي للانتصاب.
امتلاء المثانة بالبول ممكن يضغط و ينبّه العصب العجزي.
– في عدة نظريات بتساعد على التفسير لكنها غير مدعومة بأدلة ملموسة ؛ منها (( التغيرات الهرمونية ))
بكون هرمون التستوسترون بأعلى مستوياتو الصبح بعد الفيقة، وكمان بكون أعلى بعد الفيقة مباشرةً من مرحلة النوم REM. الزيادة بهاد الهرمون وحدو ممكن تكون كافية لحدوث الانتصاب، حتى في حال عدم وجود أي تنبيه جنسي.
♂️ هل يمكن للانتصاب الصباحي أن يخبرنا بشيء عن حالة “ضعف الانتصاب” ؟!
ضعف الانتصاب (العجز الجنسي) هو عدم القدرة على تحقيق الانتصاب أو الاستمرار به بما يكفي لممارسة الجنس، يعتبر اضطراب متعدد العوامل (بيلعب فيه دور العوامل الوعائية و العصبية و التشريحية…) و أحياناً بكون سببها نفسي
ممكن يساعد الانتصاب الصباحي بمعرفة فيما إذا السبب عضوي أو نفسي، مثلاً بحالة شخص عم يعاني مؤخراً من ضعف بالانتصاب و تعرّض بالفترة الأخيرة لتوتر و ضغوطات بالشغل ؛ هون حدوث الانتصاب الصباحي عندو ممكن يشير إنو سبب المشكلة نفسي.
♂️ متى يجب استشارة الطبيب؟
– في حال كان عم يحصل الانتصاب بشكل متكرر خلال الأيام و بعدا مابقى صار ابداً ؛ لازم نستقصي عن المشكلة
– القساح هي حالة بيصير فيها انتصاب لاإرادي غير مرتبط بالتنبيه الجنسي و بيدوم لساعات، غالباً مؤلم ، ممكن ينتج عنو خلل وظيفي دائم في القضيب
الانتصاب الصباحي عادةً بيزول بعد فترة وجيزة من الفيقة ؛ لهيك إذا دام الانتصاب لمدة طويلة (ساعات)… من الضروري تستشير طبيب بولية.
ميددوز الصحة الجنسية
(ميددوز)