🔹أول سؤال رح تسألني يا .. شو أهمية الخيط ؟
🔹و أنا رح جاوبك🙈 .. الخيط مهم جداً لحتى يزيل بقايا الطعام و ينظف بين أسنانك وكمان بيمنع التسوس *حتى ما نضطر نحطلك حشوة *🥺
🔹بأي عمر رح استخدم الخيط ؟؟؟
🔹بتبلش تنظف أسنانك بالخيط أول ما يبلشوا أسنانك يتلامسوا، لما تكون تحت عمر ال ٦ سنوات فيك تطلب مساعدة أهلك، بس بشكل عام فيك تستخدموا لوحدك بس يصير عمرك ٦ أو ٧ سنوات❤️
🔹طيب شلون بستعمل الخيط ؟
🔹اذا كنت لساتك بتواجه صعوبة باستخدام الخيط ف منجيب أعواد خيط تنظيف الأسنان 😉
🔹أم اذا حبينا نتعلم الطريقة :
اول شي منمسك الخيط بين الإبهام والسبابة بكل أيد *يعني بين الاصبع الأول والتاني🙈* بعدين منلفو حوالين السبابة ومنرخي الخيط على شكل حرف C ومنحركوا برفق بين الأسنان 😁
⭕️نصيحة للأهل : حفزوا أولادكن دائماً على استخدام الخيط بجعل الخيط نشاط عائلي .. و كمان فيك تخليهن يختارو الخيط والفرشاة يلي بتعجبهم و عملوا مكافآة للتنظيف بالخيط والفرشاة🙈⭕️
وعلى فكرة … سبايدرمان بطلك الخارق المفضل بينظف أسنانو بالخيط … كون متلو 😌❤️
و تضلوا بخير يا حلوين❤️
اعداد : مريم محي الدين
(سماعة حكيم)
Maryam Mohiyaldeen