التفريش برماد الفحم لأسنان بيضاء كالثلج

التفريش برماد الفحم لأسنان بيضاء كالثلج ❌⁉️

😳هي الجملة سمعتها من لسان جارتنا و اجت متل الضربة على راسي…
ففزّيت لنوّرها… 🙂

▪️ خالتو شو عم تحكي رماد شووو❗❗

▫️ اي خالتو رماد الفحم ما اخدتوها بالجامعة 😁

▪️ لا خالتو ما اخدناها ولا رح ناخدا لانو شي غلط وكتييير

▫️لكن شو الصح هاتي نورينا حاكم بتعرفي الوضع على قدو وماعندي قدرة بيّض أسناني عند الدكتور 😏

طيّب تكرم عيونك😍♥️

🔰أوّل شي رح احكي عن الأسباب يلي بتلوّن الأسنان وبتخلينا نخبي ضحكتنا🤭

◾مشروبات معينة مثل:( العنب البري، النبيذ الاحمر القهوة، الشاي، المتة)…

◾ أطعمة معينة كالأطعمة الغنية بالسكريات

◾التدخين او مضغ التبغ:( اي لا تستغربوا باليمن بيمضغوا التبغ🤦🏻‍♀️)

◾ سوء العناية بالأسنان، وبعض الأدوية

◾ جفاف الفم المزمن ونقص اللعاب

◾وممكن تكون عوامل وراثية يعني هيك لون اسنانك ابّاً عن جد 🤷🏻‍♀…

🔰 بدنا الزبدة يا خالتو كيف رح نبيّضن!!
لحتى نبيّضن عنا كتير انواع من معاجين الاسنان :

◾معاجين أسنان مبيضة منقدر نستعملها لانها لطيفة على اللثة وآمنة…
بس ما منسخدمها بعد الأطعمة والمشروبات الحمضية لانو رح تتفاعل معا وتسبب تآكل بالميناء ( الطبقة الخارجية للأسنان )…

◾معاجين أسنان بتحتوي على حمض الستريك الموجود بقشر الليمون والبرتقال والموز…
يلي بتعمل على إزالة بقع الأسنان الناتجة عن التدخين والشاي والقهوة والمتة🤷🏻‍♀💔

◾كمان معاجين أسنان بتحتوي صودا الخبز ( بيكربونات الصوديوم)
يلي بتزيل البكتريا والبلاك هي الطبقة يلي بتتشكل نتيحة تناول السكريات 🍬🍫🍭

❌ للأسف في ناس بتستخدم خل التفاح و هاد بيأذي كتير حتى لو كان بكميات قليلة لأنو بسبب تلف الأسنان 🦷…

🚩 بس بالنهاية بضل أهم من هاد كلو هو تفريش الأسنان بشكل مستمر ودائم واستعمال الخيوط السنية لتنظيف السطوح بين الأسنان والمضمضة بالغسولات الفموية 😍💕

● إعـداد : د . رغد يوسف بالوش
● الـمصدر العلمي :
🪄 https://www.nih.gov/
🪄 https://www.healthline.com/health/dental-and-oral-health/how-to-get-rid-of-yellow-teeth

🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .

مواضيع صحة الاسنان والفم