اليوم أثناء تصفحي للفيسبوك، طلعلي إعلان عن بطارية أنبوبية، اللي لفتني هوي رقم بالبنفسجي
٣٦٠٠ دورة شحن
هون أنا تحرك جواتي المحقق كونان ودورت عالنت على النشرة الفنية للبطارية الموصوفة بالإعلان، وبغض النظر عن مصداقية النشرة الفنية من عدمها..
أولاً، البطارية بتعطي ٣٦٠٠ دورة شحن في حال تفريغ ٣٠ بالمية منها فقط
يعني هيي ٢٤٠ أمبير ساعي، بيحقلك تاخد منها بس ٧٢ أمبير ساعي
تانياً، مو مذكور عند كم أمبير بالساعة بتحافظ على ٣٦٠٠ دورة شحن، لأنو معلومكم اذا سحبنا ال ٧٢ أمبير بساعة وحدة غير اذا سحبناهم على عشر ساعات، الحالة التانية أفضل للبطارية
تالتاً، اذا سحبنا ٧٥ بالمية من سعة البطارية، عدد دورات الشحن بيصير شي ١٤٠٠ دورة شحن، يعني اذا فصلنا البطارية عند وصول جهدها لل ١٢ فولط وذلك دون وجود أحمال
ملاحظة: اذا سحبنا بس ربع سعة البطارية، فجهد الدارة المفتوحة لازم يكون ١٢.٤ فولط
نصيحة للتاجر: التسويق حلو، جمع المصاري أحلى، السمعة الطيبة أحلى وأحلى
نصيحة للي بدو يشتري: اسأل دائما عن تجارب غيرك وانشر الوعي، وهيك معو معو السوق بيصلح حالو
سايبرترون سايبرفيو
