الحلويات شيء أساسي و ضروري للجسم

🚩”على صفيح ساخن” بهالمسلسل مرقت عبارة قالها
باسم ياخور :
“الناس الطيبة زعلها بطول”

ونحن الميددوز منقول انو هالعبارة حقيقةً مو بس بتنطبق عالناس، وأسنانك كمان إذا سببتلها نخر بتزعل منك وإذا ما راضيتها و عالجتها دغري رح تآلمك أكتر…

كتير منلاحظ بس يجي هالشهر الفضيل(رمضان) بزيد طلبنا للحلويات 🍡🍭🍬 و منشتهيها كتير…
ونحن صديقي مارح نمنعنك عن تناول الحلويات مشان ما ينتخر سنك… بالعكس الحلويات شيء أساسي و ضروري للجسم…

▪️دكتور يعني (تعا و لا تجي) باكل ولا ما باكل؟ 🌚

▫️صديقي تناوَل الحلويات و لكن في حدود المعقول وحسب حاجة جسمك وبعادات صحية بتوقي أسنانك من النخر…

🔻 الجسم بيحتاج كمية قليلة من السكر يومياً بتكفي لتغطية 5% فقط من حاجة الجسم الكلية من السعرات الحرارية،

☝🏻 وهذا يعني أنَّ على الشخص البالغ تناول ما يعادل 25 غراماً من السكريات على الأكثر كل يوم، وهو ما يعادل ست ملاعق شاي صغيرة من السكر أو قطعة صغيرة من الشوكولاتة.

🔻أما بالنسبة للعادات:

▪️فنعيد و نكرر على أهمية عملية تفريش الأسنان.

▪️ولازم ننتبه لعدم تناول الحلو مباشرةً بعد الانتهاء من وجبة الإفطار.

▪️كتير ضروري نضاعف كمية شربنا للماء بهالشهر.

▪️تناول بعض الفواكه الطازجة والخضراوات خلال وقت الإفطار.

▪️والتغذية الصحيّة تلك التي تحتوي على الكالسيوم والفوسفات والمعادن.

وبالنهاية مافي دخان 🙃 بدون نار 🔥 كول حلو و التزم بالتعليمات وما يصيبك إلا كل خير…

من الميددوز صياماً مقبولاً و إفطاراً شهيّاً. ❤️

● إعداد وتحرير : د. راما اسماعيل
● المصدر العلمي :https://www.webmd.com/beauty/cosmetic-procedures-lip-augmentation

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم