إجابتك بـ “ما بعرف” على أسئلة طفل بيعتبرك مصدرو الموثوق ومثلو الأعلى قد يكون من أكثر المواقف إحراجاً وطعناً لهيبتك…
لهيك الميددوز اليوم حب ينقذكن ويعطيكن شوية معلومات في حال انسألتوا عن الخيـط السـنيّ… 😌
⛔ هي الخيوط منشتريها ضمن علبة، تستخدم لإزالة بقايا الطعام العالقة بين الأسنان ⬅️ وهيك نحنا منقلل من البكتيريا واللويحة بالفم ومنحمي أسناننا و لثّتنا من النخور و الأمراض…
⛔ ومتل ما بقول صديقنا “سبونج بوب”:
أهم شي التكنيييييك🤓
يلا نبلش سوا:
⚠️ أول شي لازم نعرف إنو طول الخيط السني يلي رح نستخدموا ما بيتجاوز الـ (40〰️60) سم.
1️⃣ منلف معظم هالخيط حول الأصبع الأوسط من كل يد، ومنترك حوالي (2.5 〰️5) سم من هالخيط للتنظيف.
2️⃣ منثبّت الخيط بالإبهام والسـبابة.
3️⃣ مندخل الخيط السّني بين الأسنان، ومنحرّك الخيط شوي شوي لأعلى ولأسفل مع فركه على السطوح الملاصقة كل سن.
⚠️ انتبه من ضغط الخيط على لثتك، لأنو ممكن يسبب خدش أو كدمات باللثة.
4️⃣ وبمجرد وصول الخيط للثة، منثني الخيط عند قاعدة السن لنشكّل حرف “C”، وهيك منسمح للخيط بالدخول إلى الفراغ بين اللثة والسن.
5️⃣ ومنكرّر الخطوات السابقة على كل الأسنان، ومع كل سن منستخدم جزء جديد ونظيف من الخيط، وهيك منكون خلّصنا 😃
⛔ بس لازم تعرف إنو عدم استخدامك للفرشاة والمعجون بعد استخدام الخيط بروح كل تعبك خساارة 🚫…
⚠️ لإنو استخدام الفرشاة بالطريقة الصحيحة بقدملنا تنظيف شامل للفم..
⚠️ أما الخيط بين السني فحدودوا بين الأسنان فقط.. يعني خلو ببالكن:
فرشاة+خيط سني= حبّ أبدي ♥️
🔰 ولإنو صحتكم و هيبتكم بهمونا اكتبولنا من شو بتحبوا ننقذكن كمان!!
● إعـداد : د. نبيل بو مسـعود
● تحريـر : د. نوّار أبو حسـن
● المصـدر العلمـي : https://bit.ly/3tnjWiy
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم