✅ الدوبلر بيساعدنا نحدد التوقيت الأمثل للولادة وهذا هوي الاستخدام الأهم والأساسي للدوبلر خلال الحمل
❓❓ايمتا نحتاج نعمل الدوبلر خلال الحمل ؟
الدوبلر نعمله لما البيبي يدخل المرحلة الحرجة …
❓❓شو هي المرحلة ؟
هي مرحلة بيدخل فيها الجنين نتيجة ضعف في وظائف المشيمة
لأسباب معلوم منها فشل خلايا التروفوبلاست في اخترق الشريان الرحمي وتفرعاته)
الأمر يلي رح يخلي الجنين يعتمد على مسارات تانية لإنتاج الطاقة . ومشكلة هي المسارات أنه بيطلع منها مخلفات متل ال lactic acid اللي بيعمل حماض وتسمم
الجنين هون رح يحاول يقاوم تأثيرات نقص الأكسجة فبيعمل إعادة توزيع للحصة القليلة اللي بتصله من المشيمة .. عن طريق تزويد تدفق الدم للمناطق الأكثر أهمية ( الرأس والقلب والغدة الكظرية) وتقليل التغذية الخاصة لباقي الأعضاء.
✔هذه الفترة قد تطول وقد تَقصُر
وقد يكون التدهور خلالها سريع وممكن يكون بطيئ..
✔ولكن الشيء الثابت والأكيد أن أول علامة على أن الجنين دخل المرحلة الرمادية أننا نلاقي قياساته أقل من المتوقع بالنسبة لعمر الحمل
❓❓طب ليش ما انولد ونريح نفسنا..؟
خوفا من مرحلة ما قبل النضج prematurity ومشاكلها الخطيرة ..
🤔 نحنا بين خيارين صعبين لأننا لو استنينا أكتر من اللازم رح يصير مع الجنين حماض acidosis اللي رح يعمل معه تأخر نمو عصبي ، ولو ولدنا عبكير رح يصير معه مشاكل ما قبل النضج هذا اذا عاش أصلا…
❓❓طب مين ببساعدنا هون؟
🌺الدوبلر🌺 هو اللي رح نقدر نختار بمساعدته أفضل موعد لنولّد فيه البيبي
بحيث لا يبقى يتعرض للتسمم الخلوي
ولا ولدته بكير ويعاني من مشاكل الولادة المبكرة ..
✔ الدوبلر بيعرف يراقب الجنين بهالمرحلة الرمادية ويخبرنا نحنا على بُعد كم من ال acidosis وهدا هو الاستخدام الأساسي للدوبلر خلال الحمل
✔ يعني مو أي جنين رح يتعرض لشوية مشاكل بالمشيمة رح أولده.. لأن ممكن بصبر شوي عالبيبي رح يساعد أنو تنضج الرئة عنده ( lung maturity ) ولا بيدخل حضّانه مهما كان وزنه او عمره.
⬅️⬅️ توقيت الولادة حسب مشعرات الدوبلر ؟؟
* في حال كانت مشعرات الدوبلر ( RI , PI , S/D ratio ) ضمن الطبيعي أو مع وجود decreased umbilical artery end-diastolic تكون الولادة عند عمر يساوي أو أكبر من ٣٧
* في حال غياب ال diastolic flow : ولادة فورية عند عمر الأكبر من ٣٤ أسبوع
* في حال reversed diastolic flow: ولادة فورية عند عمر الأكبر من ٣٢ أسبوع
* حاول أن تؤخر الولادة عند الحوامل بعمر حملي
أقل من ٣٢ أسبوع حملي مع reserved diastolic flow
أقل من ٣٤ أسبوع مع غياب ال diastolic flow
ما لم تكن مراقبة الجنين غير مطمئنة
الدكتورة ديما طلال سلوم اختصاصية في أمراض النساء والتوليد والتجميل النسائي
(سماعة حكيم)
تم
…
❤️❤️
تم