السن المنطمر (غير بازغ بالفم)

أسعد كان جسمه مخبيله كلية ثالثة و ما بيعرف بوجودها.. بس ممكن كان مخبيله سن (زائد أو أصلي) كمان و ما سمحتله الفرصة إنو يظهر ويفاجئه ⚠️ ..

هي الحالة منسميها السن المنطمر (غير بازغ بالفم)..

يعني ممكن هلق يكون عندي سن منطمرة و مو عرفان فيها ؟!

🔴 إي نعم وممكن كثير.. لإنو مؤشر وجودها عند السكان بيتراوح بين ( 5.6 ⬅️ 18.8 )% .

🔴 وأكثر الأسنان المعرضة للانطمار هي الناب العلوي بعد الأرحاء الثالثة (أضراس العقل).

🔴 وبعد ما نكتشف وجود هالكنوز المخباية في عنا 4 خيارات علاجية :
✅ المراقبة :
بتتضمن عدم المعالجة لفترة معينة، و بتنقسم لمرحلتين: قبل و بعد الانطمار.

مرحلة مراقبة قبل الانطمار يكون الطبيب قادر إنو يتوقع الانطمار من خلال الفحص السريري والشعاعي، وهون بيتم التشخيص بالانطمار.

أما مراقبة بعد الانطمار بتكون بعد التشخيص الدقيق وقرار عدم التداخل والاكتفاء المراقبة، مع الالتزام بالفحص الشعاعي كل 18 لـ 24 شهر ⚠️

✅ التداخل :
الهدف هون بيكون كسب مسافة لبزوغ هالسن بأبسط الطرق، و يتم من خلال المعالجة التقويمية لفترة قصيرة أو قلع الأسنان المؤقتة أو الدائمة المعيقة.

حيث أن غالبية الأسنان المنطمرة بتبزغ بشكل طبيعي إذا أزلنا النسج الرخوة أو الصلبة المعيقة بمسار البزوغ.

✅ إعادة التوضع :
لما بيفشل التداخل بتغيير توضع الأسنان المنطمرة بكسب المسافة منلجأ لتغيير توضع هالسن بالطريق الجراحي أو التقويمي، مع الانتباه لـ:

⚠️ عمر المريض.

⚠️ وجود إعاقات جسدية أو اضطرابات عقلية (درجة تعاونه).

⚠️ قدرة المريض على الالتزام.

⚠️ وجود لثة متقرنة كفاية.

⚠️ التكلفة المادية و عوامل أخرى مثل وجود مسافة ملائمة و شكل و حالة الأسنان المجاورة.

✅ القلع :
يتم قلع السن المنطمرة الدائمة لتقليل خطر الأذية المحتملة على الأسنان و العظم و اللثة، حيث أنه من الصعب تبزيغ جميع الأسنان المنطمرة،
مع اعتبار عدة عوامل :

⚠️ عمر المريض.

⚠️ حيوية الأسنان و شكلها.

⚠️ الامتصاص اللي ممكن يصير.

بالنهاية كل حالة إلها علاجها المناسب، اتناقشوا مع طبيبكم دائماً لتوصلوا لأفضل نتيجة،
اتضلوا بخير و صحة و عافية ❤️

● إعداد : د.ريـام محمد النجار.
● تدقيق : د.كاتيا الخطيب.
● تحرير : د.نـوّار أبو حسن
● المصدر العلمي :
https://bit.ly/3cSIx90

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم