السيجارة الإلكترونية (الفيب) أشخاص كتير بيستخدموها كبديل عن السيجارة العادية بحكم إنها أريحلن منها…!!
بس هل يا ترى الفيب بناسب اللثة والأسنان
– حقيقة الفيب أو السجائر الإلكترونية عم تسبب تراجع باللثة ( يعني عم تخلي اللثة تروح باتجاه الجذر )…
– عدى عن كونها بتسبب جفاف بالفم وبتقلل تدفق اللعاب وبالتالي عم تزيد من خطورة التسوس…
– رغم أن العصير أو ال “juice” المخصص لنعبي الفيب فيه متوافر بنكهات لذيذة إلا أنه عم يسبب تصبغات باللون الأحمر على الأسنان…!!
بالبداية هي التصبغات ممكن تروح بالفرشاة لكن إذا أهملتها فهيي رح تصير صعبة الإزالة…
– من سيئات الفيب كمان أنو بسبب تآكل بـ مينا الأسنان وبساعد بتثبيت الجراثيم على السن…
– و متل أيا نوع تدخين فهو بزيد خطورة الإصابة بسرطان الفم …!!
و السؤال المهم هلا : “هل يسبب الـفيبينج رائحة الفم الكريهة؟” والجواب هو نعم
السجائر الإلكترونية ليست البديل الأكثر صحة للسجائر العادية…
رغم منظره الجذاب والنكهات العديدة يلي عم تنطرح إلا أنه هو وسيلة مؤذية لرئتيك ولصحة الفم كمان … لهيك نصيحة من الميددوز نحاول نبتعد عن التدخين نهائياً وبجميع أشكاله…
لـو فرضنـا انكـم بتدخنـو يا تـرى شو بختـارو!؟
– إعـداد : د. رانيا الخيمي
– المصـدر الـعلمي : https://bit.ly/3NoPleg
منظمـة مـيددوز ~ مصـدرك الموثـوق للمعلومـة الطبيـة
مواضيع صحة الاسنان والفم