الصداف الجزء الثالث 3&x20e3; الصداف والغذاء نصائح وعا

📌 الصداف 😱🆙️🍁🍂
📌الجزء الثالث 3️⃣

📌الصداف والغذاء‼️⁉️
📌نصائح وعادات هاامة⁉️

📌أول وأهم نصيحة 👇

1️⃣إيقاااف التدخين 🚬🚭

✅بيحسن من استجابة الصداف على الأدوية
✅يقلل من فترات ثورة المرض ويزيد فترات هدأة المرض
✅ هام جداً بالصداف الراحي الأخمصي (نمط بيكون الصداف فيه بالراحتين والاخمصين)

📌النصيحة التانية

2️⃣تقليل شرب الكحول 🍻

✅ كمان بيحسن الاستجابة عالأدوية
✅بيزييد من فترات هدأة المرض
✅يقلل من خطر تطور التهاب المفاصل الصدافي ‼️

3️⃣ إنقاص الوزن 🔻
طبعا بحال الوزن الزائد

🔺️المرضى يلي نقصوا وزنهن لاحظوا انه الأدوية صارت تعطي نتيجة أفضل 👍
وبالتالي رح يقلل من حاجة المريض للأدوية 💊
✅كمان انقاص الوزن بيقلل من احتمال الإصابة بالأمراض يلي بتترافق مع الصداف ( رح نحكي عنها بالبوستات القادمة 😉)

4️⃣الرياضة والتمرين 🏋🤸‍♂️

✅بتساعد بأنقاص الوزن أو الحفاظ على وزن صحي
✅كمان بتقلل من الإصابة بالأمراض المرافقة للصداف
✅بتخفف القلق والتوتر والاكتئاب ⬅️ متل ما حكينا هالعوامل بتفاقم الصداف

5️⃣نوعية الغذاء 🍌🍋🍊🥐🍖🍗🍳

🔺️لاحظ الأطباء من خلال الدراسات إمكانية تأثر مرض الصداف بالغذاء

📌شو أنواع الحميات يلي ممكن تفيد أو تخفف من المرض⁉️

🟢الحمية الفقيرة بالحريرات :🥬🥒🍏

🔺️طبعا مفيدة عند المرضى زائدي الوزن لانقاص وزنهن
🔺️زيادة الوزن بتزيد من الالتهاب بالجسم وبتزيد من شدة الصداف
⬅️لهيك عند انقاص الوزن رح يلاحظ المرضى تحسن وتقليل مساحة الصداف

‼️ملاحظة: حمية الكيتو لا ينصح بها لمرضى الصداف 🚫
لانها بتعتمد على كميات عالية من الدسم 🍖🍗
وهالشي ممكن يسيء للصداف ويسبب زيادته ❌

🟢الحمية الخالية من الغلوتين: ❌🥐🥖🍞❌

🔺️هالحمية مفيدة عند المرضى يلي عندهن داء زلاقي أو حساسية عالغلوتين مع الصداف

🔺️بأحد الدراسات عند مرضى مصابين بالصداف ولديهم حساسية عالغلوتين
⬅️تم اتباع هالحمية والنتيجة كانت تراجع تام للصداف عند المرضى

🟢حمية البحر الأبيض المتوسط: 🍾🍊🍏🥒🍅🍤🌰

🔺️هي الحمية غنية بزيت الزيتون والخضار والفواكه و السمك والمكسرات
🔺️هي الأطعمة غنية بمضادت الالتهاب لهيك ممكن تحسن من الصداف
🔺️ لسا الدراسات قليلة بخصوص هالحمية وبحاجة مزيد من الدراسة لإثبات فائدتها ‼️

🟢الابتعاد عن نباتات ظل الليل Nightshades 🍆🥔🍅🫑:

🔺️من أشيع المحرضات للمرض
🔺️هي النباتات بتشمل الباذنجان البطاطا البندورة والفليفلة
🔺️بتحتوي على السولانين solanine والذي قد يكون سبب للالتهاب

🟢الابتعاد عن اللحوم والبيض ومشتقات الحليب 🍖🍗🥛🥚

🔺️هي الأطعمة بتحتوي على حمض الأراشيدونيك
ووجدوا أنه ممكن يكون الو دور بتحريض الصداف

🟢الابتعاد عن الأطعمة الجاهزة والمعلبة 🌭🍬🍦🥫

🔺️متل اللحوم المعالجة والخضار او الفواكه المعلبة وأي طعام جاهز يحتوي على كمية عالية من السكر أو الدسم أو الملح🧂

🔺️هي الأطعمة ممكن تسبب السمنة يلي بتسيء للصداف
وممكن تؤدي لالتهاب مزمن بالجسم وأيضا تزيد الصداف

🟢حمية Dr.pagano:

🔺️الدكتور في اله كتاب لعلاج الصداف عن طريق الحمية

🔺️بتعتمد هالحمية على :
✅كميات كبيرة من الخضار والفواكه
✅التقليل من استهلاك الحبوب والبيض واللحوم ومشتقات الحليب والأسماك
✅الابتعاد تماما عن اللحم الأحمر و نباتات ظل الليل و الحمضيات والأطعمة الجاهزة والمعالجة.
🔺️بحسب دراسة على 1200مريض تعتبر هالحمية من أنجح الحميات لعلاج الصداف ✅

📌هل يوجد مكملات غذائية مفيدة للتقليل من شدة الصداف ⁉️

🔺️فيتامين د ، فيتامين ب١٢ ، زيت السمك ، والسيلينيوم
تساعد في التخفيف من شدة الصداف

⬅️⬅️الخلااااصة➡️➡️
🌸🌸🌸🌸🌸🌸🌸🌸🌸

📌اذا كنت مريض مصاب بالصداف ممكن تستفيد على بعض التغييرات بنظامك الغذائي وحياتك اليومية

📌حاول تقلل وزنك بحال وزنك زايد ، مارس الرياضة وخاصة المشي بشكل يومي ، تناول الخضار والفواكه بكميات جيدة يوميا

📌حاول تقلل من اللحوم و منتجات الحليب والأطعمة الجاهزة والمعلبة

📌قبل ماتجرب تبدأ بأي حمية أو نظام غذائي أو مكملات غذائية ⬅️ماتنسى تناقش هالشي مع طبيب الجلدية أو التغذية قبل البدء 🌸🌸

تابعوا معي
د سراب شيخ حمدو
اختصاصية بالأمراض الجلدية والتجميل

بالبوست القادم ⬅️⬅️

📌رح نحكي عن طريقة العناية بالجلد عند مرضى الصداف للتخفيف من الحكة والوسوف ⁉️

(سماعة حكيم)