الصرير السنّي

🚩الصرير السنّي:

مُصطلح علمي لعادة سيئة وللأسف شائعة جداً بين المرضى و تعني “الكزّ أو طحن الأسنـان” .

⛔ العلامة التي تعتبر مفتاح هالعادة هو الألم و إذا استمرت بشكل مُطوّل نلاحظ تغيّرات على الأسنان بتشمل :

⚠️ أسنان قصيرة و مسطّحة و حدود قاطعة لامعة .

⚠️ أسنان متشقّقة و متصدّعة.

⚠️ حركة بالأسنان وإذا استمرت ممكن نخسر السن .

⚠️ حساسيّة سنيّة .

⛔ بما أنو غالباً حدوثه أثناء النوم فمعظم المرضى ما بيشعروا على أنفسهم بس بتتنكشف القصّة من خلال الأعراض اللي هي :

⚠️ آلام بالرّقبة والأذن .

⚠️ صداع و فك مُتعَب .

⚠️ صوت طَقطقة عند فتح الفم .

⛔ أسباب الصّرير :

⚠️ قد يكون وراثي و بيرتبط بصورة أوضح بالتّوتر والقلق .

⛔ ممكن يحدث بكل الأوقات وبشكل أكبر وقت تسوء الحالة النفسيّة.

⛔ طبيب الأسنان ممكن يوصي بأكتر من علاج حسب حاجة المريض واللي بيشمل :

⚠️ الواقي الليلي .

⚠️ تعديل العضّة بحيث تتلاءم الأسنان العلويّة مع السفليّة .

⚠️ وصف أدوية بتخفّف من آلام العضلات .

⚠️ تقليل الإجهاد والراحة النفسيّة .

وخلي شعارك بالحياة” خليك كوول على طول ” وخفّف من توتّرك بالطريقة اللي بتريحك.

تبقوا بخير دوماً…❤

● إعداد : د. اسماء الشمالي .
● تحرير : د. سارة جوني .
● التدقيق العلمي : د. علي سقر .

● المصدر العلمي : https://bit.ly/2TdA8WJ

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.

مواضيع صحة الاسنان والفم