📍القصة الثانية:
قاعدة انتي وجارتك وعاملين صبحيتكن السعيدة الحزينة وعم تنقو و تحكو ع زواجكن وعم تنشرو غسيلهن لبعض😂 ابنك الي عمرو سنتين كان عم يلعب حدكن بالألعاب فجأة بيشهق هالصبي وبينخطف لونو وبيصير يزرق ..ماعاد بيقدر يتنفس وبشلشل بين ايدييكن 😱
اهم شي بهالحالة انو انتي كإم تتمالكي أعصابك وتهدي وماتشلشلي كمان 😬
وتحاولي بالاسعاف الاولي للاختناق(هون اضبط لما الام بتكون متأكدة انو ابنها اختنق بشي ..خاصة لما يكون عم ياكل مثلا ويختنق اما اذا ماكانت بتعرف شو صار تاخدو عالمشفى بسرعة) : الاطفال لعمر السنتين =>اول شي والاهم انو ما تفوتي ايدك ب تم الطفل وتفكري انو ممكن تسحبي الشغلة الي سببت الاختناق لانو هيك ممكن تدفشيها زيادة وتزيدي الطين بلة .. ثاني شي حطي الطفل ع بطنه (على ساعد ايدك وخلي ايدك مايلة لتحت شوي)ودقي على ظهره(بين لوحي الكتف) خمس مرات على امل انو تطلع من تمو .. ما طلعت بتقلبي ع ظهرو وبتضغطي باصابيعك الثنين✌ كمان خمس مرات على عظمة القص اسفل الخط الواصل بين حلمتي الثديين ..ثالث شي اذا ماصار اي تحسن => بوجهكن عالمشفى 🏃
📍رح يجي حدا يقلي ..طيب والاكبر بالعمر شو منعمل؟!
رح قلو بدنا نعمل مناورة Heimlech ..والي هي انك بتوقف ورا المريض وبتثبت حالك منيح وبتخلي ايديك يحيطو بالمريض بحيث يتلاقى كف ايدك اليمين واليسار(ايد بتعملها متل القبضة والثانية بتحطها فوقيها) تحت عظمة القص وبتصير تضغط كذا مرة لتطلع الشغلة الي سببت الاختناق
اذا لازم ننتبه لشغلة كثير مهمة وهي ألعاب الطفل وخاصة الصغيرة والناعمة والي ممكن تنبلع او يحطها الطفل بأنفو ببساطة (احجار نرد ، قطع بتنفك من العاب ،ازرار، عملة معدنية….) ومانترك من اغراضنا شي ممكن يشكل خطر عليه قدامو ..
✨بقصتنا هون الطفل حط اللعبة بتمو ولأجل الصدف اجت عالمجرى التنفسي وسكرتو .. يعني كان ممكن يبلعها وماتحس الام على شي وتمرق الامور او تسبب اعراض هضمية 😐 او كان ممكن يحطها بأنفو وتسبب سيلان انفي مع رائحة كريهة ..
زبدة الحكي:
لما بتعرفي انو ابنك ماعندو اي امراض تنفسية مشخصة ع صغر والحمدلله سليم ..بس هيك فجأة صارت معو اعراض تنفسية متل هيك ..لازم نفكر بمتل هيك قصة وننتبه اكثر ..ماشي يا ماميات ❤
✨الله يحميلكن ويخليلكن اطفالكن بس انتو كمان ديرو بالكن عليهن منيح ❤
✨انطرونا بالبوستات الجاية مع قصص غير 🌸
الدكتورة وئام أبو عساف🌸
(سماعة حكيم)
Wiaam Abu Assaf
قناتنا على التيلغرام للمعلومات الطبية
سماعة حكيم
طريقك إلى المعلومة الطبية الصحيحة
https://t.me/sammahhakim
لا تنسوا تحملوا #تطبيق سماعة حكيم
لاتنسوا تحملوا #تطبيق سماعة حكيم للاستفادة من خدماتنا والإجابة على استفساراتكم عن #اللقاح
قناة سماعة حكيم على التيلغرام
لكل ما يهم الأطباء والصيادلة (فرص عمل و أخبار…)
https://t.me/samma3a
قناتنا على اليوتيوب
https://youtube.com/channel/UCoHj1COSXjczUOdjxJEG01w
” #تطبيق سماعة حكيم” أصبح متوافراً على متجر غوغل بلاي Google Play
https://play.google.com/store/apps/details?id=itland.doctor
حمّله الآن