العبارات في الجلاء المدرسي ..
ما بدنا نتعلم من كل معلمة شو عباراتها ..
ما بدنا ورقة عبارات جاهزة وننقل منها …
بدنا الام لما تقرا عبارات عن إبنها تعرف شو تقييمه
بشو هو قوي وبشو بدنا نرفعه ونعدله …
العبارات الجاهزة مهزلة ..
حتى لا نستمتع بها ..
معلمتي الغالية :
اكتبي واقع الطفل بدون تجريح او سلبية ..
اكتبي نقاط القوة يلي لاحظتيها بالطفل على مدار فصل دراسي
ممكن ما تكون بالدراسة ..ممكن يكون قيادي
ممكن يكون شهم ومبادر
طفل عنده دقة بالملاحظة …بالتفاصيل
ممكن يكون صاحب أفكار وابداع لأعمال ونشاطات
ممكن طفلة تكون قادرة على إصلاح علاقات بين رفقاتها ..
كريم يطعم رفاقه ويتقاسم معهم طعامه البسيط..
ما في طفل إلا ولديه ميزات ايجابية رغم كل شغبه وضعفه ..
بساعد الطفل المريض والضعيف ..
اكتبي كلمات توحي للأم بقدراته …حتى تعرف تنميها
انت كمعلمة تكتشفي أمور كانت غايبة عن الأهل
سواء ايجابية او سلبية..
طلابنا عندهم أفكار نستفيد منها نحن الكبار
يا الله …
لو نعرف قيمة المعلمة ودورها في تنمية وابداع
أطفالنا كنا زرعنا محبتها بقلوبنا قبل قلوب اطفالنا
كل التحية بعطلتكم المليئة باوراق التصحيح و
جلاءات طلابك
هناءأبوزايد
.