الـجـل قـاسي عالاظـافـر وبيسبب تـقشـرها وتـشـققها

طبعـاً الـجـل أحـلى ولـكن ⁉️

بهـاد الوقـت صار من بين كل خمـس بنـات في تـلاتة منـهن عـاملين جـل الأضـافـر اللي بيطلع أحـلى وبيـدوم وقـت أطـول !

بس عنا شوية شغلات لازم نحكيا عن هاد الاختـراع الـجميـل :

⚠️- الـجـل قـاسي عالاظـافـر وبيسبب تـقشـرها وتـشـققها ، غير أنو الاسـتخـدام الـمتكـرر وعالـمدى الـطويـل بيعمل شـيخـوخـة مبـكرة للـجلـد الـمحيـط بالاضـافـر و ســرطـان بالـجلـد .

ولأنـو اخـتراع جمـيل عملنالكن حـلول ممكن نتـجنب هالآثـار الجـانبيـة الو :

✔️ أول شـي يا عـزيـزتي لازم تتـأكـدي من تـعقيـم ونظـافـة الأدوات اللي عم ينشغل فيا وتحاولي قد ما فيكي ما يسبب جــروح او يـقطـع الـجلـد لأنو ممكن يعمل الـتهـاب .

✔️ تاني شي حطي ع ايـديـكي الـحلـوين واقـي شـمـس مـقـاوم للـماء مع عـامـل حمـايـة من الشـمـس 30 ، ليمنـع الـشيـخوخـة الـمبكـرة للجـلد ويحمـي الايـديـن من الاشــعة فـوق البـنفسجيـة او فيكي تسـتخدمـي كـفـوف داكـنة وتـقصـي أطـراف هالـكفـوف .

✔️ لما يبـلش يختفـي اللـون لا تحـاولي تشـيليه بقســوة أو بـأداة معـينة ، خـدي مـوعد عند نفس الشـخص اللي حطلك ياه وهو بيتصـرف وبيشيل الجـل بهدوء .

✔️ اما لما تقرري تشـيليه بالاسـيتـون استخدمي قـطنة وحطيه عليها لتـحمي جـلـدك من آثـار الاسـيتـون .

✔️ اعـطي أضـافـرك عـطلة من الـجـل شي أسبوعين لترجع تـصلح حالا ، وادعميـا بـمرطـب متل الفـازليـن لحتى ما تتـشـقق وتتـقشـر .

ودائما بقول الاعتدال مفتاح الحـيـاة الـصحيـة .
يعني يفضل نستعملو بس بالمناسبات ..

واذا لاحظتي أي تغييرات مـو طـبيعيـة بأضـافـرك فورا بتراجعي طبيـب جـلديـة .

وهلا فرجينا شو اللون اللي حاطتيه هلا ؟ 😋❤

🖋- إعـداد الصيـدلانية : رنيم حمود

🖋- المصـدر العلـمي :
AAD || https://bit.ly/3q3HLNn

✅ للمزيـد : أطباء الميددوز – MedDose DRs

مـنظمة ميـددوز ~ مـصدرك الـموثـوق للـمعلومـة الطبيـة

(ميددوز)