أي Element في الـHTML ممكن تديله ID، ولكن الـID ليه شروط بسيطة في الصفحة بالنسبة لـHTML5، وببساطة هي إنه :
– مايكونش مستخدم في نفس الصفحة قبل كدة
– مايحتويش على مسافات
– يتكون على الأقل من حرف واحد
يعني مثلًا ID زي 454 أو – – أو أي حاجة حرفيًا هتكون Valid ومفيش منها مشاكل طالما بتتوافق مع المعايير اللي فوق دي، ولكن لو جربت تستخدمه في الـCSS هنا الوضع هيختلف تمامًا!
يعني زي ما انت شايف في الصورة كدة، الـCSS مش هتقدر تتعرف على الـSelector ده، لأن التسمية في CSS بتخضع لعوامل مختلفة، زي إن العنصر مينفعش يحتوي غير على حروف وأرقام ورمز الـ( ) والـ(-)، وزي إن الإسم ماينفعش يبدأ برقم، وده اللي بيختلف تمامًا مع التسمية في الـHTML
وطبعًا نفس الكلام بيتطبق على الـClass Name، ولكن الفرق الوحيد هو إنك تقدر تستخدم نفس الـClass في كذا عنصر في الصفحة عادي، أما التسمية فـ نفس وضع الـID بالظبط.
هل كنت تعرف المعلومة دي قبل كدة؟ شاركنا في الكومنتات
وبس كدة، ده الموضوع ببساطة.
الجينيص
HTML5 Notes
الجينيص