الفازلين واستخداماته أولاً ما هو الفازلين هو مزيج من

📌الفازلين واستخداماته 🧴💆🏻‍♀️👩🏻‍⚕️‼️‼️

📌أولاً ما هو الفازلين ⁉️

🔺️هو مزيج من زيوت معدنية ومواد شمعية ليشكلوا مادة شبه صلبة هي هلام البترول (Petroleum jelly)

🔺️اما اسم فازلين هو اسم الماركة التجارية الأشهر للهلام البترولي
وهيك درج عليه الاسم 😅🤷‍♀️

🔺️في كتير شركات ايضاً بتنتجه ومافي فرق كبير بالفعالية

📌شو آلية عمله⁉️

🔺️لما ندهن الفازلين عالجلد بيشكل متل حاجز او طبقة كتيمة
بيمنع الماء الموجود بالجلد 💧انو يتبخر 💭

⬅️وبالتالي بيحتفظ الجلد بالرطوبة لأطول فترة ممكنة (إذاً هو بحد ذاته مابيرطب وإنما بيحافظ عالرطوبة)

🔺️كمان هاد الحاجز بيحمي الجلد من الاحتكاك والمخرشات

🔺️من مزاياه كمان انو آمن والتحسس عليه نادر جدا✅

🔺️طبعا دائما حاولوا تجيبوا الفازلين الطبي النقي بدون أي روائح أو عطور أو إضافات 🚫

📌طيب شو استخداماته ⁉️👩🏻‍⚕️🧴

1️⃣أهم وأشيع استخدام هو للترطيب 🤩

🔺️فينا نستخدمه لترطيب الجسم 🤲🦶🦵
وخاصة عند مرضى الأكزيما والصداف

🔺️يفضل نطبقه بعد الاستحمام مباشرة لان الجلد بيكون رطب
او ممكن نغسل الايدين او الوجه ونجففهن و ندهن الفازلين بعدها
هيك بيساعد الجلد يحتفظ بالرطوبة

2️⃣لترطيب الوجه 👨🏻‍🦲

🔺️الأشخاص يلي بشرتهن جافة او حساسة ..الفازلين جداً مناسب لالهن

🔺️مندهن طبقة رقيقة جداً قبل النوم كافية للحفاط على رطوبة ونضارة البشرة

🔺️بيأخر من ظهور التجاعيد ومظاهر التقدم بالعمر

❌ولكن أكيد ما بيصغر المسامات ولا بيزيل التصبغات 🙄
او التجاعيد و لا بيروح الحبوب متل الفيديوهات يلي عم نشوفها 🤦‍♀️🤣😅

🔺️لو كانت بشرتك دهنية أو عندك حب شباب أو مؤهبة انو يطلعلك حب شباب يفضل انو ما تستخدميه

🔺️رائع جداً لمرضى الوردية كمرطب وكحماية من المخرشات الخارجية

🔺️كمان ممكن نستخدمه لترطيب الشفاه الجافة والمتشققة 👄

3️⃣لعلاج تشقق القدمين🦶

🔺️يفضل ننقع القدمين بماء فاتر لمدة ٥ دقايق بعدين مننشفهن و مندهن الفازلين ومنلبس فوقهن جرابات 🧦

4️⃣لعلاج والوقاية من طفح الحفاض عند الأطفال 👶

🔺️طبعاً بعد تنظيف وتجفيف المنطقة مندهن طبقة رقيقة من الفازلين

🔺️الفازلين رح يشكل حاجز بيمنع الجلد من التماس مع البول والبراز يلي بتسبب التهاب الجلد التماسي عند الاطفال (بالعامية السماط)

5️⃣بيساعد على التئام الجروح والحروق البسيطة بسرعة

🔺️طبعا لازم نطبقه على جرح نظيف ونتجنب تماما انو نستخدمه بحال في التهاب بالجرح

6️⃣منع الاحتكاك
مثل احتكاك القدم مع حافة الحذاء👠 او الاحتكاك مع الملابس بين الفخذين

7️⃣للأظافر الجافة والمتقصفة 💅

🔺️وخاصة عند استخدام طلاء الأظافر أو الأظافر الصناعية

🔺️ممكن تطبيق الفازلين عالأظافر مباشرة والجلد حول الأظافر بيقلل من جفاف وتشقق وهشاشية الاظافر

8️⃣ممكن نستخدمه لإزالة المكياج وامن جدا لاستخدامه على الأجفان وحول العين 👁

📌وهي أهم 8️⃣ استخدامات جلدية للفازلين 🧴

📌وانتي خبريني لشو بتستخدميه بالعادة 💜🤩

د سراب شيخ حمدو
اختصاصية بالأمراض الجلدية والتجميل

(سماعة حكيم)