ميددوز || الوجوه التجميلية
خيرية وسعدية ولطفية … صبايا المسلسلات اللي عم يجسدوا المرحلة العمرية الشابة بمسلسلات البيئة الشامية
🚫ولكن .. بين عجقة الفيلر و البوتوكس و ابتسامة هوليود هل عم يجسدوا هالصورة بالشكل الصحيح⁉️
لهيك موضوعنا اليوم رح يكون عن الفينير، وابتسامة هوليوود ..
⭕أولا..شو هو الفينير الخزفي؟
هو عبارة عن قشور خزفية رقيقة بتغطي الأسنان من الأمام وتصمم لتحسين مظهر الأسنان من لون وحجم وشكل.
⭕طيب شو استطبابات الفينير؟
الأسنان المتبقعة والمتلونة واللي التبييض ما بينفع معها، أي تآكل أو انسحال بألأسنان، بالاضافة للفراغات البسيطة بين الاسنان.
⭕ومن أهم ميزات الفينير:
المظهر واللون الطبيعي، لايتطلب تحضير كبير من الأسنان (يعني عم يحافظ على كتلة السن)، وكذلك لطيف على اللثة.
⭕أما سلبيات الفينير:
صعوبة تعديل الشكل واللون بعد التطبيق، تكلفتها عالية، ليست استطباب للأشخاص اللي صحتهن الفموية سيئة(لثة ملتهبة – أسنان منخورة أو مرممة بشكل كبير) والأشخاص اللي عندن عادات فموية سيئة متل الصرير الليلي
والسلبية الابرز عالإطلاق هي أنو كتير من المرضى بتطلب من الطبيب ألوان ناصعة البياض ظنا منهم أنها أجمل؛ ولكن للاسف عم تكون مسيئة جدا للناحية التجميلية.
🔅 مهم نذكر أنو مدة بقاء الفينيرات بين 10 – 15 سنة.
وغالبا الطبيب رح يطلب جلسات متابعة follow up بعد التطبيق ليتطمن عالوجوه وعوضع اللثة وأنو كلشي تمام.
🔅 كمان كتير مهم الطبيب يشرح للمريض كل تفاصيل المعالجة وكيف ممكن تكون النتيجة بشكل واقعي
وكمان المريض يشرح للطبيب شو توقعاتو وكيف حابب تكون شكل ابتسامتو
🌟 وطبعا كتير احيانا بتكون ابتسامتنا الطبيعية حلوة ومابدا اي تعديل لهيك خلينا نقتنع بابتسامتنا ونحافظ عليها وما نلجأ للتجميل إلا اذا في داعي فعلا. ❤️
● إعداد و تحرير : د. هاشم الشعار
● المصدر العلمي : https://www.dmp.umed.wroc.pl/pdf/2018/55/2/207.pdf
مسابقة ميددوز
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم