لك اييي طلع على لساني شعر أنا وعم عدلك السيرة!
كتار مننا سمعوا هي الجملة بس يا ترى صحيحة ؟؟
🚩 اللسان المشعر🚩
⭕هو حالة مؤقتة و غير مؤذية بتترافق مع مظهر وبري و داكن للسان
مشان هيك صدّق الناس اللي بتقلك رح يطلع على لساني شعر😁
طيب شو الأعراض؟!
▪️تلون اللسان
ممكن بالبني أو البني الفاتح أو الأصفر أو الأبيض
▪️مظهر مشعر أو مليء بالفرو
▪️تغيّر الإحساس ب الطعم
▪️ورائحة نفس كريهة…
والأسباب؟!
ياترى عنجد الحكي الزايد سبب؟
السبب الرئيسي تطاول الحليمات على اللسان وتجمع بقايا الطعام والبكتيريا على الحليمات وبيناتن وهاد سبب تلون اللسان
▪️قلة نظافة الفم
▪️ جفاف الفم
▪️استخدام مضامض بتحوي على عوامل مؤكسدة مهيجة
▪️ التبغ و الكحول
▪️شرب كميات كبيرة من القهوة و الشاي
▪️واتباع نظام غذائي لين لا يساعد على فرك خلايا الجلد الميتة من اللسان
معناها الأسباب ما دخلها بكترة الحكي متل ما قلك رفيقك😅
وخليه يعيد السيرة لحتى تفهمها انت😎
ومن الميددوز ح نخبركن بالعلاج والوقاية:
صحيح الحالة مزعجة للشخص بس هية غير ضارة أبداً و مؤقتة
ومع الوقت بشوية اهتمام بتختفي تماماً
الاهتمام بالنظافة الفموية…ونحاول نخفف مشروبات الشاي والقهوة
تفريش اللسان بالراحة يعني ما تنتقم منو انتقام😬
الامتناع عن الكحول و التبغ أو التخفيف قدر المستطاع منهن🌷
◼️إعداد وتحرير: د. شروق عمار ديب
◼️المصدر العلمي : https://mayocl.in/3tAVgTJ
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
مواضيع صحة الاسنان والفم