كفريق عمل عنا تعصب ضد بطاريات الليثيوم بوليمير، يعني لامنحبها ولابتحبنا
ومننصح الكل مايستخدموها لهالبطاريات لأسباب كتيرة، رح نذكر منها اليوم تنين
الأول، عدد دورات الشحن أقصر مقارنة ب الليثيوم ايون، المشهورة محليا باسم الأصابع
التاني، والأهم، هاي البطاريات أثناء تجميعها بباوربانك لاتحصرها، خلي معها مساحة وفراغ بين الخلية والخلية، لأن مع الاستخدام بتنفخ واذا مالقت حيز تتوسع فيه بتنضغط وممكن تفجر وتعمل حريق
وهيك منتجك بيكون حرق السوق حرق، حرفياً
ملاحظة: طبعاً اذا الجهاز اللي عم تعملو صيانة موجود فيه بالأساس بطارية ليثيوم بوليمير فالأسلم إنك وقت تبدل البطارية تبدلها ببطارية ليثيوم بوليمير، الكلام أعلاه موجه للباوربانك المجمعة محلياً
ملاحظة ٢: كمان الليثيوم أيون مو قليلة واذا ماراعيتها بالظروف المحيطة بتعمل مشاكل خطيرة
