💭مزبوط كان فوبيا الخوف والرهاب من الدم🩸وكتير منكن حبو فكرة الفوبيا وطلبو انو كل فترة نحكي عن فوبيا جديدة 🤍 ولهيك اليوم انا جايبلكن فوبيا جديدة ويلي هيي الخوف من الأماكن المغلقة(claustrophobia).
جاهزين…يلا نبلش🏃🏻♂️
💭الخوف من الأماكن المغلقة هوي خوف ظاهري ناتج عن خوف شديد وغير منطقي من الأماكن المغلقة أو المزدحمة..شو هيي الاشياء يلي بتسبب هاد الخوف❕
🔹حبس الشخص بغرفة بدون نوافذ أو يعلق الشخص في مصعد أو حتى القيادة على طريق سريع مزدحم 🚗
💭شو اعراض رهاب الاماكن المغلقة‼️
🔹الاعراض بتظهر بعد مايكون في بسبب للخوف متل التواجد ب غرفة مغلقة ومساحتها صغيرة.. الأعراض بتكون :
(التعرق..الرجفان..ضيق تنفس أو فرط تهوية..زيادة معدل ضربات القلب..غثيان ..دوخة ودوار )💔
💭 شو السبب الخوف من الأماكن المغلقة‼️
🔹مافي معلومات كتيرة عن الأسباب بس غالبا بتتاثر ب عوامل البيئة حوالينا وممكن يكون هاد الخوف مرتبط ب اضطراب اللوزة وهيي جزء من الدماغ بيتحكم ب معالجة الخوف..وبالاخير ممكن تنصاب ب رهاب بعد حدث محدد يصير معك
🤷🏻♂️ متل:
( اذا كنت عالق ب مصعد لفترة زمنية كبيرة …او اذا بتعاني من اضطرابات أثناء الطيران… تكون عالق ب وسائل النقل العامة المزدحمة وغيرن كتير)
🚫بدي نوه ل شغلة كتير كتير مهمة ياريت كل الأهالي تنتبه لهاد الموضوع.. كتير من الأهالي بعاقبو اولادن الصغار عن طريق حبسن ب اماكن مساحتن ضيقة متل الحمام وهاد سبب كبير كتير للإصابة بالخوف من الأماكن المغلقة لهيك ياريت نستبدلها ب عقوبات تانية🤍
💭 العلاج‼️
غالبا العلاج بكون علاج نفسي وممكن يصحطب هاد الشي أدوية بتنوصف من قبل الطبيب يلي بتابع حالتك 🤍
💭اخر شي رح نحكي فيه هوي انا اذا بعاني من هاد الرهاب شو فيني اعمل ل قلل حالة الخوف يلي رح انصاب فيها‼️
🔹اول شي تنفس ب بطئ وحاول تعد لرقم محدد مع كل نفس ..
🔹ركز تفكيرك بشي آمن متل مرور الوقت ب ساعتك ..
🔹ذكر نفسك انو خوفك وقلقك رح يزولو..
🔹ما تقاوم نوبة الخوف يلي رح تجيك بالعكس واجهها وخلي تركيزك بانو هي النوبة مجرد مشاعر رح تمر وتنتهي بعد فترة قصيرة 🤍
وهاد كان كلشي 🤍🤍
كل الحب ل قلوبكن 🤍
كنت معكن انا محمد حمامة
(سماعة حكيم)
https://www.healthline.com/health/claustrophobia#treatment
Mohammad Hammama
احكولنا عن الفوبيا من أنو تكمل حياتك بسوريا..