●»» يـلّا عـالسريـري …
●»» يـلّا عـاللبيّـة، الغســـل والإرواء
لتـكون معالجتنا توب، وتحشي أقنية جانبية (متل الصورة) وتكون أمورك عـال العــال 💪….
🔰 لازم نهتم بموضوع الغسل والإرواء بشكل كبير لأن متل ما منعرف للإرواء أهداف كتير منها :
● فعل مُزلّق للأدوات .
● إزالة البرادة العاجية .
● تأثير مضاد للجراثيم إضافة لتنظيف الأقنية بالأماكن اللي ما بيوصللها التنظيف ( مثل الأقنية الجانبية مثلاً ) .
●»» ولنقدر نغطي كل هالأهداف، في عندنا أكثر من محلول إرواء ينصح باستعمالهم خلال المعالجة، يلي هنـن :
🔵 هيبوكلوريد الصوديوم :
● محلول الإرواء المتميز بالدرجة الأولى .
● تركيزه الأساسي للحصول على فعالية جيدة 5.25% بمعدل 15 20 دقيقة (يعني من أول سرنغ هيبوكلوريد لازم تحسب 20 دقيقة وقتها بتكون حققت أحسن فعالية لهالمحلول ) .
● وظيفته الأساسية تكمن بحل المواد العضوية و التطهير، لكـن
للأسف غير قادر على إزالة طبقة اللطاخة smear layer و هون بيجي دور المحلول التاني .
🔵 EDTA :
● يستعمــل بتركيز 17% كسائل إرواء حال لطبقة اللطاخة، وبالتالي بتزيد نفوذ سوائل الإرواء .
● لكـن كمـان في معلومة مهمة إنه بينها و بين الهييوكلوريد لازم نستعمل شي سائل إرواء بيفصل بينهم، لأن المزج بينهم يؤثر جدا على خواص الهيبوكلوريد والسائل بينهـم السالين ( السيروم الملحي ) .
🔵 الكلورهكسيدين :
● المحلول الأخير اللي بيلزمنا بالمعالجات العفنة .
● بتركيز 2%، وخصيناه بالمعالجة العفنة لتأثيره الواسع الطيف على الجراثيم السلبية والإيجابية، والذيفانات الجرثومية، وإضافة لميزة رائعة كونه يرتبط مع بلورات الهيدروكسي أباتيت و بالتالي تأثير مديد على الجراثيم .
● لكـن كمـان سيئتو الوحيدة أنو ممكن يسبب تلون السن لأنو عندو القدرة على النفوذية للسطح الخارجي للعاج .
🔰 وبــعد ما تعرفنا على محاليل الإرواء، خلونــا نتعرف على أفضل طريقة لتحقيق أفضل إرواء :
● منستعمل محاقن بلاستيكية مع رؤوس إرواء نبوذة هي الرؤوس بتجي نوعين :
– نوع عادي [ فتحته أمامية نفسها إبرة الأنسولين ] .
– نوع خاص بالمعالجة اللبية [ هو الرؤوس اللي فتحتها جانبية، حتى ما تسبب ضغط للسوائل على الذروة و بالتالي يندفع المحلول للخارج ] .
● مندخل رأس الإبرة ضمن القناة، وهون أنت أمام حالتين :
1️⃣ انحشار الرأس ⬅️ منرجع 1 2 مم وبعدها منحقن .
2️⃣ رأس الإبرة يكون loose بالأقنية الكبيرة ⬅️ بالتالي بحقن أقل من الطول العامل ب 1 2 مم، وكل هالشي لتجنب اندفاع السائل للخارج .
🔰 زيادة فعالية الإرواء بأكثر من طريقة:
● تفعيل الإرواء :
– بقمع كوتا عالطول العامل، بحرك حركات ادخال و اخراج بتواتر 100 حركة بالدقيقة .
– بالألتراسونيك هي بالعيادة ان شاء الله 😎 .
– تسخين محلول الإرواء كمان بالعيادة .
– بتحريك رأس المحقنة دخول وإخراج أثناء الحقن حتى ما يصير انحشار و حتى نحاول نطلع كل البقايا العاجية اللي تفاعل معها السائل .
🔴 يفضل الفصل بين كل محلول إرواء و آخر بالسيروم الملحي، إضافة أنو يفضل يكون هو آخر محلول مستعمل قبل الحشي 🤗 .
لسـا مقالاتنـا ما خلصــت ولســا الخيـر لقـدام 💪✌😎 …
● إعـداد : د. مصطـفى عبدالقــادر سـرور .
مـيددوز ~ مصــدرك للمعلومــــات الطبيــــــة الموثوقـــــة 🛡 .
مواضيع صحة الاسنان والفم