الم جانب الركبة ؟؟؟؟ تفضل اخي شو مشكلتنا وشو العمر وشو

الم جانب الركبة ؟؟؟؟

📝 تفضل اخي شو مشكلتنا وشو العمر وشو بتشتغل

👨 عمري 24 سنة لاعب رياضي لعبتي هي الركض لمسافات طويلة… مشكلتي الم بركبتي اليمين عندي عجنب واحيانا بيطلع لفوق عجنب ليوصل لراس الفخد

📝 طيب من ايمت بلشت المشكلة وايمت بيزيد الالم

👨 بلشت معي من وقت غير الحذاء وبيزيد الالم وقت اركض ووقت انزل عالدرج و اذا نمت عجنبي اليسار
مابرتاح الا اذا حطيت مخدة بين رجليي ..طبعا انا بالعادة بنام عجنب اليمين

📝تفضل معي عالفحص
( ركبة المريض طبيعية المظهر لا يوجد اي دليل على اصابة اربطة او غضاريف )

📝 صديقي انت معك شي اسمو متلازمة السبيل الحرقفي الظنبوبي ( ITB) والسبب هو تغيير الحذاء يلي كعبو غالبا اقل طراوة.. والسبب التاني مركز بتدريبك عالمقربات اكتر من المبعدات

👨 الحمد لله قالولي غضاريف خفت طيب والحل

📝 لا ابدا لا غضاريف ولا اربطة الحل خطة علاجية رح تتضمن
تسكين الم: تلج وتيارات…. تقليل التهاب بجانب الركبة عن طريق ال US مع اشرطة طبية kinso tap … هي اول مرحلة
المرحلة يلي بعدا بكون خف الالم منبلش تمطيط وتقوية عضلات المبعدة حصرا

By :Ahmad Al tawil

علاجي معك
No Pain Again

طب علاج فيزيائي سوريا دمشق توعية
راما حايك
أحمد الطويل

(سماعة حكيم)