🚩 الناحية الجمالية .. و الوظيفية و الرضا النفسي هنن غاية طب الأسنان ..
سنفرض أن كل شخص يقرأ هذا المقال سيفكر ويجيب على السؤال التالي …
🔰 سألك طبيب الأسنان عن الترميم «الحشوة» اللي بدك تحطها على سنك هل هيي الحشوة البيضا الكومبوزيت أم السودا الأملغم ؟!؟
شو رح يكون جوابك .. وهل هو عن قناعة !!
من واجبنا كمنصة صحة فم نشرحلكن عن أكتر إجراء بتزوروا طبيب الأسنان منشانو … لهيك حديثنا اليوم رح يكون عن …
[ #الأملغم_الحشوة_السوداء .. وهل هي #آمنة ؟ ]⛔ شو هو الأملغم ؟!!
هو خليطة معدنية مكونة من ( فضة/ قصدير/ نحاس/ وبعض المعادن الأخرى )، إضافةً للمكون الأهم اللي حولو علامات استفهام ( الزئبق ).
⛔ الزئبق .. هل هو خطير ؟؟
أُثيرت عدة مخاوف على مر السنين حول الزئبق .. وضرره على الصحة العامة، لذلك أجرت عدة مراكز أبحاث حول هالموضوع، وكانت النتيجة أن مستويات الزئبق الموجودة عند الأشخاص المستخدمين حشوات أملغم أقل بكتير من الحد اللي بسبب فيه مشاكل صحية. حتى لو وصل عدد حشوات الأملغم داخل فم المريض لـ 15 حشوة (فهو آمن).
⛔ لهيك .. وبالعودة لسؤالنا الأول ..☝🏻
هل الحشوات المعدنية (الأملغم) آمنة ؟!؟
الجواب : نعم .. وفي حال ما كنت عم تعاني من سوء تصميم للحشوة، أو تحسس تجاه المواد المستخدمة فيها، أو تشوه بسبب طول عمر الحشوة، فما في أي مبرر لاستبدالها …
⚠️ طبعاً لا ننسى خواص الأملغم الممتازة من ( الديمومة لفترات طويلة ضمن الفم/ القوة/ الصلابة/ الاستقرار و تحمّل الضغوط الاطباقية/ المقاومة للتغيرات الحرارية ) .. الصفات اللي خلّتها مستخدمة على مدى عقود طويلة وحتى الآن في طب الأسنان ..لاسيما على الأسنان الخلفية واسعة التهدم ..
☝🏻لــكــن …
حتى لو كانت الحشوة بمواصفات خيالية …
ما في شي برجع سنك متل ما كان ♥
لهيك انتبهوا ع أسنانكم ياغوالي …
و دمتم بخير… ♥️
● إعداد : د. لـيث طهمـوز .
● تحرير : د. آيـة مـعن محـمود.
● المصدر العلمي : https://mayocl.in/2PJejMQ
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم