النخر المتوضع في الثلث اللثوي للسطح الدهليزي أو اللساني لكافة الأسنان

الصنف الخامس … يلا عالسريري

⛔ شو هوي نخر الصنف الخامس ؟!؟

▪ هو النخر المتوضع في الثلث اللثوي للسطح الدهليزي أو اللساني لكافة الأسنان .

▪ يستثنى من نخر الأعناق [ نخر الصنف الخامس ]، النخر المتوضع على الإرتفاع المينائي اللثوي [ يعني من اللساني ] للقواطع والأنياب العلوية لأن هاد نخر صنف أول .

▪ ملاحظة صغيرة، أغلب المرضى يلي عندون أصناف خامسة بتكون العناية الفموية عندون سيئة للأسف .

⛔ شو هيي المواد يلي منرمم فيها الصنف الخامس ؟!؟

▪ أملغم .

▪ كومبوزيت .

▪ الزجاج الشاردي Gic .

⛔ كيف بدك تعرف اي مادة تختار ؟!؟

اختيار مادة الترميم بالصنف الخامس بيعتمد على:

▪ موقع الأفة والناحية التجميلية .

▪ الخطورة النخرية .

▪ الناحية الاقتصادية .

▪ واذا كانت منطقة معرضة للجهود الاطباقية .

⛔ شو هيي إجراءات حفر الصنف الخامس ؟!؟

▪ البس الكفوف، الكمامة، وجهّز الأدوات خلينا نبلش😌👇🏻

⚠️ أولاً التخدير الموضعي :

حسب اذا كان النخر عميق لازم نخدر بينما اذا كان سطحي مالنا بحاجة تخدير .

⚠️ ثانـياً الـعزل :

▪ باستخدام اللفافات القطنية .
▪ خيوط التبعيد.
▪ ماصات اللعاب.

⚠️ ثـالثاً التحضيـر :

عنا تلت أنواع للتحضيرات:

▪ إما تقليدي وبكون الترميم أملغم أو زجاج شاردي (gic) .

▪ أو تقليدي مشطوب وبكون الترميم كومبوزيت .

▪ أو معدل وبكون الترميم كومبوزيت .

⛔ رح نحكي بهاد البوست عن التحضير من أجل ترميم أمـلغم :

التحضير التقليدي :

▪ الدخول بسنبلة كروية ماسية أو كاربايد .

▪ عمق التحضير في الملتقى المينائي العاجي 0.5 ملم .
عمق التحضير عند الملاط (سطح الجذر) 0.75 ملم .

▪ تنجز الجدران الخارجية بحيث تكون عمودية على السطح الخارجي للسن .

▪ يجب أن يساير الجدار المحوري محيط السن الكبير .

▪ تتباعد جدران الحفرة نحو السطح الخارجي .

▪ وأهم شي انو تجريف النخر بكون بسنبلة مجرفة العاج على قبضة ميكرتور بسرعة متوسطة مع تبريد هوائي .

⚠️ رابـعاً تنظيف الحفرة وتطهيرها :

نظف الحفرة بتيار من الماء والهواء للتخلص من الجزيئات وبقايا التحضير.

⚠️ خامسـاً حماية اللب :

لما بدك ترمم أملغم حماية اللب بتكون كالتالي :

▪ حفر ضحلة فرنيش، [ طبقتين من الفرنيش] .

▪ حفر متوسطة أكسيد زنك وأجينول .

▪ حفر عميقة ماءات الكالسيوم .

وهلا صار عندك حفرة معزولة ومحضرة ونظيفة وعملت تبطين في حال كان في حاجة .. صار وقت الترميـم .

⛔ ترميم الأمـلغم :

▪ جيب كبسولة الأملغم وحطا ع جهاز مزج الأملغم وبس تخلص مزج فتحا وحط المحتوى بجرن الأملغم.

▪ يُنقل الأملغم من الجرن إلى الحفرة بواسطة مدفع الأملغم وكل دفعة مننقلا منكثفا بواسطة مدك الأملغم ومنضل ننقل دفعة دفعة وكل دفعة منكثفا بالمدك حتى تمتلئ الحفرة بالأملغم .

▪ صقل قبل النحت بمصقلة كبيرة منمرق ع سطح الأملغم.

⛔ الـنحت :

▪ أول الشي لازم يتم اختيار المنحتة المناسبة للسطح لان عنا أنواع للمناحت مناحت خاصة بالسطوح الطاحنة ومناحت خاصة بالسطوح الملاصقة ولكل منحتة أكثر من شكل .

▪ أثناء النحت لازم يستند جزء من المنحتة على السن وجزء اخر على الترميم.

▪ ملاحـظة : بحفر الصنف الخامس بكون السن في منطقة الترميم محدب فلا نقوم بالنحت بحركة واحدة فقط لأن رح يعطينا شكل مستقيم وهو لازم يكون محدب فكرمال هيك لازم ننحت بحركتين :

حركة على الجهة الطاحنة للترميم.
حركة على الجهة اللثوية للترميم.

⛔ صقل بعد النحت بالمصقلة.

⛔ وطبعا الإنـهاء والتلميع بكون بعد ٢٤ ساعة من تطبيق الأملغم بسنابل إنهاء الأملغم وبعدا بستخدم أقراص الزجاج واخر شي أقماع المطاط.

وهيك منكون خلصنا مبدئيّــاً …. انتظرونا بشرح أكتر عن هالصنف وتذكروا أنو الصنف الخامس يعتبر من أسهل الاصناف، وشغلو ما بياخد معك وقت كتير .

جاهزين لأي استفسار

الميددوز منكم وإلكم ..❤..

إعداد وتحرير: د. روه ني آله رشي.

مــــيددوز ~ مـــــصدرك للـــــمعلومات الـــــطبية الــــــموثوقة 🛡 .

مواضيع صحة الاسنان والفم