الهيموفوبيا أول مرة بتسمع بهاد المصطلح اليوم رح نحكي عنو با

الهيموفوبيا🤔
أول مرة بتسمع بهاد المصطلح‼️

اليوم رح نحكي عنو بالتفصيل… هاد موضوعنا لليوم🤍

جاهزين..يلا نبلش 😍

🔺بالبداية الهيموفوبيا بتعني الرهاب والخوف من الدم 🩸اكيد قلت أي احكو هيك من الاول 😂 بس هاد الاسم العلمي الو

🔻الهيموفوبيا هوي مرض نفسي ناتج عن الخوف الشديد من الدم ونتيجة هالشي الشخص يلي بعاني من هاد المرض بيتجنب كل الحقن والاختبارات الطبية يلي ممكن تعرضو ل رؤية الدم 💉

🔺شو الأعراض ‼️
بالنسبة للأعراض في نوعين نفسي وجسدي ورح نحكي عن كل وحدة لحال :

🔻بالنسبة للجسدية:
الاعراض الجسدية بتظهر عند رؤية الدم وهيي:
🔹 صعوبة في التنفس.. سرعة دقات القلب..تعرق.. غثيان ودوخة😥

🔻النفسية :
الاعراض النفسية بتظهر لما نفكر بالدم أو لما نتذكر أنو لازم نعمل فحوصات واختبارات محددة وبالإضافة لما نشوف دم وهيي:

🔹الخوف والقلق الشديد لما نفكر بالدم …الاحساس بانو الموقف وهمي وغير واقعي وممكن توصل الاحساس ب اقتراب الموت 💔

🔻كيف ممكن يصير معي هاد المرض ‼️

🔹ممكن يكون في رابط جيني يعني وراثة من اهلك او اذا كنت حساس وعاطفي كتير ممكن تنصاب.

🔹ممكن نتعلم الخوف من حدا على سبيل المثال : الطفل اذا شاف انو والدتو بتخاف من الدم ف هوي كمان رح يصير يخاف منو🤍

🔹في حال كنت عايش ب بيئة مفرطة الحماية من جميع النواحي ف رح تكون بحالة خوف اكبر من الدم 🩸

🔹في حال بقيت بالمستشفى لمدة طويلة أو تعرضت ل أصابات خطيرة متعلقة بالدم.. هاد الشي رح يسبب عندك رهاب من الدم 🩸

🔻العلاج :
بهيك انوع من الخوف العلاج مو ضروري لانو غالبا التعرض للدم مارح يكون يومي … الا اذا كان هاد الخوف عم يسببلك مشاكل بحياتك متل انك تمتنع عن زيارة الطبيب بهي الحالة صار لازم نتعالج وغالبا هيك انواع من الخوف بحاجة طبيب نفسي 🧑🏻‍⚕️

🔻طيب اخر شي في حال شخص قدامي تعرض لهيك موقف شو لازم اتصرف ‼️

رح نلاحظ انو المريض فقد تركيزو.. وجهو تغيرت ملامحو وبلش يتعرق بس يمكن توصل القصة للدوخة.. في حال كانت الأعراض بس مجرد فقدان تركيز وتعرق لازم نترك الشخص بضع دقائق يستجمع تركيزو ويعرف انو مافي شي صاير معو وفي حال صار عنا دوخة الخطوة الأولى نتصل مع الاسعاف والخطوة التانية نحاول نصحي المريض ونوصلو فكرة انو يلي عم يفكر فيه مجرد وهم وتفكير وانو يلي قدامو بالواقع مجرد دم مو اكتر لبين ما يجي الإسعاف ونتطمن على حالتو الصحية❤️

هاد كان كلشي 🤍🤍
كل الحب ل قلوبكن 🤍
كنت معكن انا محمد حمامة🤍

(سماعة حكيم)