الى من يهمه الامر
اخي نحنا ساكنين بالريف بقرية اليهودية في محافظة اللاذقية وعنا مافي سير ابدا خاص بالمنطقة
الكل معتمد ع التكاسي او باصات النقل الداخلي الي بتمرق فترة الصبح بالضيعة
كنا نبعت اولادنا ع بديع زينة الصبح بالباصات
وبعد اتهاذ قرار بتحويل مدرسة يوسف قارس لمدرسة ثالثة للمتفوقين
صار دوام اولادنا بالحلقة الثانية دايما مسائي واولادنا عندن ثلاث ايام بالاسبوع فيها سبع حصص يعني مارح يطلعوا من المدرسة قبل الخمسة ونص وين بدنا نلاقي سير بهاد الوقت وكل اهالي اللاذقية بيعرفوا انو هي القرية مافيها سير يعني بدنا نجيب ولادنا بتكسي كل يوم عشر الاف ليرة واي مدرسة تانية غير بديع زيني قولا واحدا بدنا تكسي ليوصلوا عليها
هل من المنطق هيك قرار؟
مو كل الناس قدرتا تحط تكاسي لاولادها التكسي عم ياخد ع الطالب الواحد100 الف بالشهر يعني الي عندو 3 اولاد شو بيعمل بحالو
شو ذنبنا ندفع تمن قرار فاشل
وبنص السنة
يعني لاقادرين ننقل اولادنا ع مدارس تانية ولاقادرين نأمنلون سير يروحو فيه ع المدرسة
اقرب مدرسة النا بديع زينة وبعدها يوسف ابو الشملات بس مدرسة يوسف ابو الشملات صار فيها عدد طلاب هائل
عندك بالشعبة الوحدة خمسين طالب بقى شو لازم نتصرف نحنا كأهالي انفرض علينا قرار فاشل بنص السنة
ليش مو من اول السنة طالعوا هيك قرار كنا ع الاقل حاولنا ندور على حلول
هيك قرار لازم يتوقف فورا لانو قرار مدمر بحق الطلاب وأهالي الطلاب بظل الظروف الصعبة الي عم نعيشها
