التقيتو برحلة سياحية عمرو 8 سنوات وطلب مني اعملو برنامج غذائي لينحف
قلتلو :حبيبي رح تطول قريبا و كل اللي مدايقك رح يختفي لما عظمك يطول.
طلبت احكي مع والدتو فوراً وسألتها مين مضايق ابنك؟ومفوت براسو كلمة سمين؟ صوتو كان حزين .!🤔
قالتلي : عم يتعرض لبعض التعليقات من اللي حواليه.
راح امبارح يشتري هوت تشوكليت قام البائع خجلو وقلو انت سمين ما لازم تطلب هالمشروب
(مع احترامي لصحة وجهة نظر البائع بس الأسلوب غلط⛔ )
قلتلها بهالعمر ممنوع نعمل أنظمة بغاية التنحيف للطفل خاصة انو طولو مناسب لعمرو لكن منركز بغذاؤو على تناول طعام صحي غني بالحديد والكالسيوم والمعادن والفيتامينات وأكيد بروتينات للبناء ودهون صحية ونشويات و نحاول نركزلو على أنشطة حركية ونخفف القعدة مع الجوال .ونلغي المشروبات الغازية و نقلل (الأكلات الطيبة)اللي مامنها فايدة .
والدتو مثقفة عاملة جهدها معو ،
لكن مجتمعنا محبط😞
هو طفل موهوب مثقف حكياتو أكبر من عمرو بيعزف موسيقا🎸🎻
وبيسبح🤽♂️
عبقري بمجال الانترنت
سريع البديهة وفوق هيك مرح و نفسيتو حلوة لازم نشجعو ونركز على تنمية مواهبو بدل مانصرف انتباهو لجسمو وبس !
فينا نعلمو كيف ياكل صح ونخليه يشاركنا بالمطبخ بتحضير وجبة صحية🍋🍆🥑🍅🌶 ونستبعد المكونات اللي بتضر 🌭🍕🍟🍔وهيك منكون عطيناه المعلومة بأسلوب غير مباشر ونعلمو من أول ما بيخلق انو الرياضة 🏃🏃♀️🏊♂️جزء.لايتجزأ من يومنا وهالشي بيتحقق بإنو نكون نحن القدوة بالبداية .
ايمت بدنا نتعلم ننشر الطاقة الإيجابية❤️ والتحفيز لأطفالنا جيل المستقبل الذكي !
ويسعد أوقاتكم بكل خير
شاركونا تجاربكم مع الأطفال.🌺🌺🌺اختصاصية التغذية الصيدلانية ديما السمير
Deema alsameer
(سماعة حكيم)
الناس بقر معلي
بيسبح انو اي بس بالانترنت والعزف معقول بعمر ال ٨ سنين موهوب فين !؟
وهل نستطيع ضبط الشارع والمدرسة بل والمجتمع لخلق مثل هذه الثقافة الإيجابية
اعتقد ان التركيز يجب أن ينصب على الأسرة ودورها في تعزيز قوة شخصية الطفل لكي لا يتحطم بالمجتمع( اللا منضبط )
❤❤