نخزات بتجي عالصدر … بس هالمرة سببها القلب عنجد !!
راجعتني صبية عالإسعاف عمرها ٢٦ سنة، حالتها العام جيدة جداً، مدرّسة لغة عربية وبتمارس نشاطاتها الحياتية بشكل طبيعي.
أول مرة صارت معها الحالة: كانت بالمدرسة .. عم تشرب قهوة بالفرصة وقتها بلشت تحس بخفقة بالقلب ونخزات قوية بصدرا .. هالحالة بلشت فجأة بلحظة وحدة !! وبلش جسمها كلو ينمل .. نادوا لأستاذ العلوم 🤩 شافها شاحبة وقاسولها الضغط طلع نازل .. أسعفوها عالمشفى .. طلبلا الدكتور تخطيط قلب فوراً .. وطلع معها نوبة تسرع قلب فجائية .. ما تحسنت إلا لما عطاها إبرة بالإسعاف ودقات قلبها نزلت فجأة من ١٨٠ لل ٦٥ ..
هي الحالة اسمها تسرع القلب الانتيابي .. هية حالة مرضية حقيقية بتصيب القلب بيكون عنا مشكلة بتوزع الكهرباء ضمن القلب … بتتعالج بالإسعاف حصراً ويمكن نحتاج لإبرة وريدية أو حتى صدمة كهربائية لحتى ننهي نوبة التسرع..
شو محرضات الحالة: الحالة هية مرض حقيقي كامن جوا القلب.. بس بيتحرض بالتوتر النفسي والمنبهات والقهوة والسهر وبعض الأدوية ..
العلاج بهالحالة بانو ينحط المريض على دوا ويتجنب المحرضات وبيعيش حياة طبيعية متل غيرو .. طبعا في علاج شافي ونهائي اسمو الكي حيث نقوم برسم خريطة كهربائية للقلب ونقوم بحرق المنطقة المسببة للمرض بس هالعلاج مو متوفر بسوريا لحد الآن للأسف
ملاحظة: هي الحالة قليلة نسبة حدوثها ٣-٤% من الناس فقط.
كل الأمنيات للجميع بدوام العافية
د. سومر شلبي Somar shalaby
(سماعة حكيم)
Somar Shalaby
شكرا لمعلوماتك دكتور سومر
❤❤
يالطيف
اعراض بعد توتر شديد تباطؤ النبض وفي بعض الاحيان رجفة في القلب كانه توقف ثم بدء ينبض
أم روشان كيفك ؟
حالات النخز بحالات التوتر ووقت الأكل أو الشرب بشكل سريع هي ذاتا الحالة اللي متحكي عنها؟
مبارح صابتني بس نحنا من الشعب الجبار
محرضات الحالة : المهنة (مدرسة لدى الدولة )
..
….
…
معلومات مفيده شكرا ياريت المزيد
مين قال العملية مافي منها بسوريا