بقسم إسعاف الحواضن تحديدا
كان في طفل تعبان جدا وحاطينو ع الاوكسجين وبدو منفسة وللأسف كانت غير متوفرة وعليه الانتظار هو وأطفال غيره لحين توفر شاغر في المشفى .
وكان والد الطفل ..سمعت هل حديث دار بينو وبين سيدة جاي معو
قلها حروح دور عمشفى فيها منفسة ولو شو ما كلف جاهز المهم ابني يشفى
رجع ووضعو اصعب من قبل رجع والدموع مالية عينو ومكسور قال جملة ما كنت متخيل المبالغ لهل درجة مستحيل اقدر ادفع حتى ليوم واحد بهل مشافي
نزل تحت تخت ابنو وصار يبكي بحرقة..بحرقة كتير 💔
حرقة اب ع طفلو ..وجع الفقر والتعب والمرض .. وجع آلاف الناس يلي متل حالتن بهل بلد
والطفل توفى للأسف
الله يرحمو …
طبعا تكرر هل موقف مع آباء كتار وكانت ردات الفعل مشابهة بس هل موقف اثر فيي اكتر من اي موقف …
د. فـرح فـرج
مــيددوز – مــصدرك الــموثوق للــمعلومة الــطبية
(ميددوز)