بدون تعليق من كم يوم قصة أثرت فيني و بكل صدق

بدون تعليق

من كم يوم قصة أثرت فيني … و بكل صدق

« بكتني »

قصة أم أحمد

الأم العظيمة …. اللي عندها بنت و صبي

ماسة صف خامس
و
أحمد صف تاني

ماسة …. بنت متل القمر ، بس عندها ضعف

كبير في عيونها و ما بتشوف منيح

لهيك الحكيم … واصفلها نظارات .

أحمد …… عنده شلل أطفال و بمشي

بجهاز متحرك .

و هون بلشت حكايتنا ….

رفقات ماسة بالصف … بضلوا يتمسخروا

عليها و بقولولها …. ياعمية .

و ما حدا بلعب معها …… لك حتى

المس …. بتضل تبهدلها و تصرخ عليها

لأنها ما عم تلحق تنقل من اللوح .

أما أحمد فقصته قصة … الصبي بحب الطابة

كتير و بشجع برشلونة …. و حابب يصير

متل مسي .

أحمد ….

ما كان حدا يلعب معه … بس لما الماما

حكيت مع إستاذ الرياضة … كان كتير متعاون

و صار يلعبه بالطابة و يشجعه و لك حتى

يصفقله .

أم أحمد … كل أول عام دراسي

بتروح ع المدرسة و بتشوف الأنسات و الطلاب

و حتى أحياناً بتتصل بالأهلي و بتترجاهون

يحكوا مع ولادون ما يزعلوا ماسة و أحمد

و يلعبوا معون .

الأغلبية بكونوا متعاونين … بس قلة قليلة

مريضة و ما عندها رحمة و لا شفقة و لا حتى

ضمير .

لحتى و صلت الوقاحة بإحدى الأمهات

أن تقلها … ما ناقصنا أولاد معاقين يلعبوا

مع ولادنا … طالعيون من هون و حبسيون في

البيت .
ارحموا قلوب تتألم
د . أمين صالح قبنض

(سماعة حكيم)