بس نخلص آخر يوم امتحان راح تتركيني على الجوال وما تاخذيه ابدا

ماما …شو اتفقنا ؟؟!!!
بس نخلص آخر يوم امتحان راح تتركيني على الجوال وما تاخذيه ابدا!!!
صح ماما وانا عند وعدي …
الجوال الك لحتى نرجع المدرسة !؟؟؟؟!!!
لحظة من فضلكم …
الوعد لا يكون وعدا إلا اذا كان مفيدا
العطلة يا ماما ليست فقط جوال …
ممكن نعمل مساحة بسيطة بالبيت ونضع أوراق جدران للرسم والألوان …
واعلق رسوماتهم على جدران غرفتهم بفخر ..
ممكن نلعب العاب رياضية تساعد على تنمية الذاكرة مثل الشطرنج او مسابقات مع بعض حزازير والألغاز
ممكن يدخلوا معنا المطبخ ونعمل اكلات بحبوها من صنع أيديهم وينبسطوا فيها …لا تنزعجي من الأوساخ وعدم الترتيب ووو و اتركيهم يمارسوا أعمال يدوية وبتنمي ذهنهم
خذيهم زيارات و اتركيهم يحكوا ويتعلموا الحوار ..
الحياة الاجتماعية كمان مهارة وبدهم يتعلموها ..
اذا كان الجو مناسب طلعيهم على حدائق مع الإشراف الغير مباشر عليهم ..
ممكن يلعبوا كرة او ركوب دراجة او ووو المهم الحديقة راح تكون مكان آمن …
ممكن نتعلم مفردات باللغات وكل يوم خمس كلمات
وممكن تختاري العاب كثيرة من صنع بالبيت ..
المهم لا تحاولي تقولي خذوا الجوال وحلوا عني ..
راح يحلوا عنك اكيد !!! بس عم تضعفي من ذاكرتهم
ومن ذكائهم ومهاراتهم
لا تعلميهم السهر وتقولي ما في مدرسة ويناموا للظهر
أطفال بحاجة لساعات الليل للنوم والنمو …
وراح ترجعي تتعبي ليرجعوا يناموا بكير ..
عطلة موفقة ويسعد اوقاتكم

هناءأبوزايد👩‍🏫👩‍🏫
✅ 🌹🌹
✅ .
👇👇👇👇