بعض الأطعمة اللي بتساعدكم ليكون صيامكم مريح أكتر وتحافظوا فيها عَ صحتكم الفموية

وقت طويييل من الصيام و بهالشوب كمان …
تعالوا ننصحكم ببعض الأطعمة اللي بتساعدكم ليكون صيامكم مريح أكتر وتحافظوا فيها عَ صحتكم الفموية ❤️

⛔الأطعمة الغنية بالألياف بتحافظ على حموضة معتدلة لَ اللعاب وبالتالي الوقاية من النخور السنية و تحريض على إفراز اللعاب ( صعب ينشف ريقكم ) 😂…

⛔ الأطعمة اللي بتحتوي على الألياف بتعطي احساس بالشبع أكتر من غيرها وبتساعد بتسهيل عملية الهضم بالإضافة لأنها بتقلل من امتصاص الكوليسترول والأحماض الصفراوية (بتساعد بتنزيل الوزن) ومكافحة مرض السكري

🔰من الأطعمة الغنية بالألياف:

▪️ الخضروات (لازمكن صحن خضرة ع السحور😁)
▪️ الفاكهة: تفاح / فريز / توت…
▪️ المكسرات
▪️ الحبوب:متل العدس والبازلاء والحمص والبوشار…
( عنا عادة حلوة بسوريا اللي هيي شوربة العدس ع الفطور😋)

كرمال هيك خلوا إفطاركم وسحوركم فيه أطباق غنية بالألياف كرمال صحتكم ❤…

رمضان كريم عليكم ❤

● إعداد و تحرير : د. شروق عمار ديب
● المصدر العلمي :https://mayocl.in/3agr5tE

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم